ଦେବସ୍ନାନ ପୂର୍ଣ୍ଣିମା
ରତ୍ନବେଦୀ ଛାଡି ସ୍ନାନବେଦୀ ରେ
ବିଜେ ଚତୁର୍ଦ୍ଧା ବିଗ୍ରହ
ଗଜାନନ ବେଶେ ଦରଶନ ଦେବେ
ଛୁଟିଛି ଭକ୍ତ ଙ୍କ ସୁଅ ।
ଜ୍ୟେଷ୍ଠ ପୂର୍ଣ୍ଣିମା ଦିନ ଦେବସ୍ନାନ ପୂର୍ଣ୍ଣିମା
ହୋଇଥାଏ ପାଳନ
ସୁନା କଳସ ରେ ସୁବାସିତ ଜଳେ
ସ୍ନାନ ଲୀଳା ସମାପନ ।
ଶହେ ଆଠ ଗରା ଦାରୁ ଦିଅଁ ସ୍ନାନ
ଜ୍ୱର ରେ ପୀଡିତ ହୋଇ
ଦଇତାପତି ଙ୍କ ସେବାକାର୍ଯ୍ୟ ବଢେ
ପ୍ରଭୁ ତୁମେ ଭାବଗ୍ରାହୀ ।
ପଟି ମୂର୍ତ୍ତି ସ୍ଥାପି ଆରାଧନା ବିଧି
ନେତ୍ରୋତ୍ସବ ଆଗମନ
ସେ ପନ୍ଦର ଦିନ ଭକତ କରଇ
ଅଲାରନାଥ ଦର୍ଶନ ।
ଗାୟତ୍ରୀ ସିଂହ
ଆଠମଲ୍ଲିକ
ଅନୁଗୁଳ
