l l ମଙ୍ଗଳର ବାର୍ତ୍ତା l l

      ଶ୍ରୀମତୀ ସ୍ନେହ ମିଶ୍ର

ଓଡିଶାର ଗର୍ବ ରୀତିପରମ୍ପରା

ସଂସ୍କାର ସଂସ୍କୃତି ପୂର୍ଣ୍ଣ |

 ଆହା ! କି ସୁନ୍ଦର ପ୍ରକୃତି ଆରାଧ୍ୟ

ପୂଜା ସୂର୍ଯ୍ଯ ଭଗବାନ ||

ପ୍ରାଚୀ ଗଗନରେ ଉଇଁଲେଣି ଉଷା

ସ୍ଵର୍ଣ୍ଣିମ କିରଣ ଆଭା 

ସିନ୍ଦୁରିଆ ଫାଟି ରକ୍ତିମ ଲାଲିମା

ଅରୁଣିମା ରଶ୍ମି ଶୋଭା

ଦୂର ଦିଗନ୍ତରୁ ଶଂଖ ହୁଳହୁଳି 

ଶୁଭ ମନ୍ତ୍ର ବେଦଧ୍ଵନି

ଶତବିଂଶ ପୂର୍ଣ୍ଣ ବିସ୍ମିତ ତେଇଶି

ମଙ୍ଗଳ ମହୁରୀ ଶୁଣି ||

ଓଡିଶାବାସୀଙ୍କୁ ଶୁଭ ଆଶୀଷରେ 

ଦୟାକର ଦିବାକର

ଇଂରାଜୀ ନବ ବର୍ଷ ଆଗମନେ

ନବ ଉନ୍ମାଦନା ସ୍ଵର ||

ଲୀଳାମୟଙ୍କର ଲୀଳା କେ ବର୍ଣ୍ଣିବ

ବିଶ୍ଵ ନିୟନ୍ତାଙ୍କ ଖେଳ

ମଙ୍ଗଳମୟଙ୍କ ମଙ୍ଗଳର ବାର୍ତ୍ତା

ବିଶ୍ଵରେ କରେ ଚହଳ ||