ହେ ! ନୂଆଁ ବରଷ
ନଳିନୀ ପ୍ରଭା ମିଶ୍ର
ହେ! ନବ ବରଷ ଆସ ଏ
ଧରାରେ ନବୀନ ପୁଲକ ଭରି
ବିଗତ ଦିନର ଯେତେ ଦୁଃଖ
କଷ୍ଟ ଯାଉ ସବୁ ଅପସରି।
ପ୍ରତୀକ୍ଷା ର ଅନ୍ତେ ନୂତନ ଦିଗନ୍ତେ
ପ୍ରଚଳିତ ଧାରା ତୁମେ
ଆଶା , ବିଶ୍ବାସ ର ପେଟିକା ଧରି
ଆଗମନ ଉପକ୍ରମେ।
ହେବ ନାହିଁ ତୁମେ ନୈରାଶ୍ୟ ର
ରୂପ ପ୍ରତିଶ୍ରୁତି ହୀନ କଥା
ବେଡି ର ଉପରେ କୋରଡ଼ା
ର ମାଡ଼ ମଣିଷ ନ ଲଭୁ ବ୍ୟଥା।
ତୁମରି ନାମରେ ପ୍ରସୂତ ଯୋଜନା
ନେଉ ବାସ୍ତବରେ ରୂପ
ଶିକ୍ଷା ସ୍ବାସ୍ଥ୍ୟ ଆଦି ନବୀ କରଣରେ
ଜଳିବ ବର୍ଷ ପ୍ରଦୀପ।
କେହି ନ ରହିବେ ଭୋକିଲା
ସମାଜେ ଶିଶୁ ଶ୍ରମିକ ର ପ୍ରଥା
ସମସ୍ତେ ପଢ଼ିବେ ନିଜକୁ ଗଢିବେ
ହେବ ଉନ୍ନୀତ ତୁମ ମଥା।
ହସ ଖୁସି ଭରେ ସଭିଏଁ ଚଳିଵେ
ଦୁରାରୋଗ୍ୟ ହେବ ଦୂର
ବିଗତ ବର୍ଷ ର ଆଶଙ୍କା ଓ କଷ୍ଟ
ମନରୁ ହୋଇବ ଦୂର।
ଶାସନ ହୋଇବ ସୁ ଶାସନ କ୍ଷମ
ହିଂସା, ଦ୍ୱେଷ ଭାବ ତେଜି
ଆଶା ଓ ବିଶ୍ବାସ ତେଇଶି ରଖିବ
ନିଜର ସୁ କୀର୍ତ୍ତି ରାଜି।
କରୁଛୁ ସ୍ଵାଗତ ଆହେ! ନବାଗତ
ତୁମ ପଦାର୍ପଣେ ଧରା
ହେଉ ଆଲୋକିତ ଆନଂଦ ଉଲ୍ଲାସେ
ବିଚ୍ଛୁରିତ ନବ ଧାରା।
ମୁକୁନ୍ଦ ପୁର, ଆସ୍କା, ଗଞ୍ଜାମ
