ବାଲେଶ୍ବର,୦୪/୦୧/୨୩- ବାଲେଶ୍ଵର ଜିଲ୍ଲା ଖଇରା ବ୍ଲକର ବିଭିନ୍ନ ପଞ୍ଚାୟତରେ ବିଶ୍ବ କପ୍ ହକି ପାଇଁ ରାଜ୍ୟ ସରକାରଙ୍କ ଦ୍ବାରା ଆୟୋଜିତ ପଞ୍ଚାୟତ ସ୍ତରୀୟ କ୍ରୀଡା ଉତ୍ସବକୁ ବିଧାୟକ ଜ୍ଯୋତି ପ୍ରକାଶ ପାଣିଗ୍ରାହୀ ମୁଖ୍ୟଅତିଥି ଭାବେ ଯୋଗଦେଇ ଉଦଘାଟନ କରିଛନ୍ତି । ପଞ୍ଚାୟତ ଗୁଡିକ ମଧ୍ୟରେ ମାଖନପୁର, ଗଗନଧୁଳି, ଡଗରପଡା, ଜଳଦା, ଶ୍ଯାମସୁନ୍ଦରପୁର, ଅମରିଆ-ଅଗ୍ନିପୁର ଓ ଗୋଳିହା ଅନ୍ତର୍ଭୁକ୍ତ । 
ଏହି ପରିପ୍ରେକ୍ଷୀରେ ଶ୍ଯାମସୁନ୍ଦରପୁର ପଞ୍ଚାୟତର ଶ୍ରୀରାମପୁର ଖେଳ ପଡିଆରେ ପଞ୍ଚାୟତ ସ୍ତରୀୟ କ୍ରୀଡ଼ା ଅନୁଷ୍ଠିତ ହୋଇଯାଇଛି । ଏହି ଖେଳରେ ଏମ୍ପିଆର ଓ ରେଫେରି ଥିଲେ ମଧୁସୂଦନ ଯେନା, ଭରତ ମହାରଣା ଓ ଅରୂପାନନ୍ଦ ନାୟକ । ଏଥିରେ ସମ୍ମାନିତ ଅତିଥି ଭାବେ ୫ ନମ୍ବର ଜୋନ ଜିଲ୍ଲାପରିଷଦ ସଦସ୍ୟ ମାନସ ଦାଶ, ସରପଞ୍ଚ ବନିତା ପ୍ରଧାନ, ସମିତିସଭ୍ଯା ବାସନ୍ତୀ ମହାନ୍ତି, ନାଏକ ସରପଞ୍ଚ ସଞ୍ଜିତା ପାଲ ଏବଂ ସମସ୍ତ ୱାର୍ଡ ମେମ୍ବର । ଏହାକୁ ଆୟୋଜନ କରିଥିଲେ ବିଶ୍ବଭୂଷଣ ପ୍ରଧାନ, ମନରଞ୍ଜନ ମୁଦୁଲି, ଶରତ ପରିଡା, ମାନସ ମୁଦୁଲି, ମଦନ ସାହୁ, ସୁଦାମ ସାହୁ, ଉପେନ୍ଦ୍ର ବାରିକ ଓ ଅକ୍ଷୟ ଦାସ ।
ଏଥିରେ ସମସ୍ତ ଖେଳାଳିଙ୍କୁ ନେଇ ଶିରାଦେବୀ ଓ ଲଙ୍କେଶ୍ବର ନାମରେ ୨ ଗୋଟି ଟିମ୍ ଗଠନ କରାଯାଇଥିଲା । ସମସ୍ତ ଖେଳାଳି ଖୁବ୍ ସୁନ୍ଦର ଖେଳ ପ୍ରଦର୍ଶନ କରିଥିଲେ । ଉକ୍ତ ଖେଳ ଦେଖିବାପାଇଁ ସଂପୃକ୍ତ ଅଞ୍ଚଳରୁ ବହୁ ଦର୍ଶକଙ୍କ ଭିଡ ହୋଇଥିଲା । ପରେ ପରେ ସ୍କୁଲ ଶିକ୍ଷକ, ଶିକ୍ଷୟିତ୍ରୀ ଓ ଛାତ୍ରଛାତ୍ରୀଙ୍କ ଉପସ୍ଥିତ ଖେଳାଳି ମାନଙ୍କୁ ବହୁ ପରିମାଣରେ ଉତ୍ସାହିତ କରିଥିଲା । ଶେଷରେ ଶ୍ରୀରାମପୁର ଗ୍ରାମବାସୀଙ୍କୁ ଇଂରାଜୀ ନୂଆ ବର୍ଷର ଅଭିନନ୍ଦନ ଜଣାଇ ସଭାକାର୍ଯ୍ୟ ସମାପ୍ତ କରାଯାଇଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
