ଡାବୁଗାଁ, ୧୪/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ର ନନ୍ଦପୁରା ପଞ୍ଚାୟତ ଅଧୀନ ହୁଣ୍ଡାରଗୁଡା ଗ୍ରାମ ଛକ ନିକଟରେ ଶୁକ୍ରବାର ବିଳମ୍ବିତ ରାତ୍ରିରେ ଏକ ମୋଟର ସାଇକେଲ ଦୁର୍ଘଟଣା ଘଟି ୧ ମୃତ | ସୂଚନାଯୋଗ୍ୟ:- ଡାବୁଗାଁ ବ୍ଲକ ର ମେଦନା ପଞ୍ଚାୟତ ଅଧୀନ ଚାଟିଗୁଡା ଗ୍ରାମର ପରମାନନ୍ଦ ଭତ୍ରା (୩୮) ନନ୍ଦପୁରା ପଞ୍ଚାୟତ ଅଧୀନ ମେଞ୍ଜର ଗ୍ରାମରେ ଥିବା ନିଜ ସମ୍ପର୍କୀୟ ଘରକୁ କୌଣସି କାର୍ଯ୍ୟରେ ଯାଇଥିଲା | ସେଠାରୁ ବିଳମ୍ବିତ ରାତ୍ରିରେ ସେହି କାର୍ଯ୍ୟକ୍ରମ ରେ ଥିବା ଏକ ବ୍ୟକ୍ତି ଙ୍କୁ ପରମାନନ୍ଦ ଭତ୍ରା ଓ ତାଙ୍କ ସାଥି ମନୋରଞ୍ଜନ ଭତ୍ରା ଏକ ମୋଟର ସାଇକଲ ନଂ ସିଜି ୨୩ଏଚ ୯୦୬୮ ଯୋଗେ ଘୋଡାଖୁଣ୍ଟା ଛାଡିବାପାଇଁ ଯାଇଥିଲେ | ବ୍ୟକ୍ତି ଙ୍କୁ ଛାଡି ଫେରିବା ସମୟରେ ହୁଣ୍ଡାରଗୁଡା ଛକ ନିକଟରେ ଭାରସାମ୍ୟ ହରାଇ ରାସ୍ତା କଡକୁ ଛିଟିକି ପଡିଥିଲେ | ଫଳରେ ଘଟଣାସ୍ଥଳରେ ପରମାନନ୍ଦ ଭତ୍ରାଙ୍କ ମୃତ୍ୟୁ ଘଟିଥିଲା | ସାଥିରେ ଥିବା ମନୋରଞ୍ଜନ ଭତ୍ରା ଘଟଣା ସ୍ଥଳରୁ କେଉଁ ଆଡେ ଚାଲିଯାଇଥିଲେ | ଶନିବାର ସକାଳୁ ଗ୍ରାମର ଲୋକେ ରାସ୍ତା କଡରେ ମୋଟରସାଇକେଲ ସହ ଜଣେ ଲୋକ ପଡିଥିବା ଦେଖି ଥାନାକୁ ଖବର ଦେଇଥିଲେ | ଖବରପାଇ ସିଂସାରି ଫାଣ୍ଡି ଅଧିକାରୀ ଗୋପାଳକୃଷ୍ଣ ହାଲୱା ଘଟଣାସ୍ଥଳରେ ପହଞ୍ଚି ଶବ ଜବତ କରିଥିଲେ | ପରେ ପରିବାର ବର୍ଗଙ୍କୁ ଖବର ଦେଇଥିଲେ | ପରେ ଶବ ବ୍ୟବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ | ଏନେଇ ମୃତକର ପିତା ପଦଲାମ ଭତ୍ରା ଡାବୁଗାଁ ଥାନାରେ ଏତଲା ଦେଇଥିଲେ | ଶବ ବ୍ୟବଚ୍ଛେଦ ପରେ ପରିବାର ଲୋକ କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୬/୨୩ ରେ ଏକ ମାମଲା ରୁଜୁ କରାଯାଇଛି |
ଡାବୁଗାଁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
