ବାଲେଶ୍ଵର,୨୪/୦୧/୨୩- ବାଲେଶ୍ଵର ଜିଲ୍ଲା ଖଇରା ବ୍ଲକ ଜଳଙ୍ଗ ଗଣ୍ଡିବେଡ଼ ଶକ୍ତିପୀଠ ଅର୍ଥାତ୍ ମା ଚଣ୍ଡୀଙ୍କ ପୀଠରେ ପାଇପ୍ ଦ୍ବାରା ପରିସରର ବିଭିନ୍ନ ସ୍ଥାନକୁ ପାନୀୟ ଜଳ ଯୋଗାଇ ଦେବା ନିମନ୍ତେ ବୋରିଂ ଆରମ୍ଭ ହୋଇଛି । ସୋଲାର ଦ୍ବାରା ହତାବନ୍ଦୀ ପାଖେ ପାଖେ ପାଇପ୍ ଯୋଗେ ପ୍ରତ୍ୟେକ ସ୍ଥାନକୁ ପାନୀୟ ଜଳ ଯୋଗାଇ ଦିଆଯିବ । ଏଥିପାଇଁ ତା ୨୪/୦୧/୨୩ ରିଖ ମଙ୍ଗଳବାର ଶୁଭ ପୂଜନ ପରେ ବୋରିଂ ଆରମ୍ଭ ହୋଇଛି । ଏଥିପାଇଁ ଯାହା ଅର୍ଥରାଶି ଖର୍ଚ୍ଚ ହେବ ତାହା ସରକାର ବହନ କରିବେ ବୋଲି ଟ୍ରଷ୍ଟ ପ୍ରକାଶ କରିଛି । ଏହି ଶୁଭ ପୂଜନ ବେଳେ ଟ୍ରଷ୍ଟୀ ପ୍ରଫୁଲ୍ଲ କୁମାର ଦାସ, ଲକ୍ଷ୍ମୀଧର ଦାସ, ସଞ୍ଜୟ ତିଆଡି, ସମିତିସଭ୍ୟ ନାରାୟଣ ଦାସ, ରତ୍ନାକର ଦାସ, ପୂର୍ଣ୍ଣ ଚନ୍ଦ୍ର ଦାସ, ଇତିପ୍ରଭା ମହାପାତ୍ର, ବେଣୁଧର ତିଆଡି, ଅନନ୍ତ ପଣ୍ଡା ଓ ଭଗବାନ ସାହୁଙ୍କ ସମେତ ଗ୍ରାମବାସୀ ଉପସ୍ଥିତ ଥିଲେ । ସରପଞ୍ଚ, ସମିତିସଭ୍ଯ, ୱାର୍ଡ ମେମ୍ବର, ଟ୍ରଷ୍ଟୀ ନଡ଼ିଆ ପିଟି ଶୁଭ ଉଦଘାଟନ କରିବା ପରେ ଶକ୍ତିପୀଠର ଉନ୍ନତି ପାଇଁ ସମସ୍ତେ ଖୁସି ଅନୁଭବ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
