ବାଲେଶ୍ଵର,୨୬/୦୧/୨୩- ବାଲେଶ୍ଵର ଜିଲ୍ଲା ଖଇରା ବ୍ଲକ ବାଉଁଶଗଡିଆ ପଞ୍ଚାୟତ ବାଉଁଶଗଡିଆ(ଗୁଡାଗଡି) ଗ୍ରାମରେ ଥିବା ଗୋପବନ୍ଧୁ ପାଠାଗାର ଦ୍ବାରା ପବିତ୍ର ସରସ୍ୱତୀ ପୂଜା ମହା ଆଡମ୍ବର ସହକାରେ ପାଳିତ ହୋଇଯାଇଛି । ଗତ ତା ୧୯୭୮ ମସିହାରେ ପ୍ରତିଷ୍ଠାତା ସୁରେନ୍ଦ୍ର ବେହେରା, କୃଷ୍ଣଚନ୍ଦ୍ର ବେହେରା, ନିଶାକର ବାରିକ, ସଦାନନ୍ଦ ବେହେରା, ନରେନ୍ଦ୍ର ଭୂତିଆ ଓ ନିରଞ୍ଜନ ଭୂତିଆଙ୍କ ଦ୍ବାରା ପ୍ରତିଷ୍ଠିତ ହୋଇଥିଲା । ସମ୍ପାଦକ ଅନନ୍ତ ପରିଡ଼ା ଓ ସଭାପତି ନାରାୟଣ ପରିଡାଙ୍କ ତତ୍ତ୍ୱାବଧାନରେ ଖୁବ୍ ସୁରୁଖୁରୁରେ ଚାଲିଛି ପାଠାଗାର । 
ପ୍ରତ୍ୟେକ ବର୍ଷପରି ଏବର୍ଷ ମଧ୍ୟ ପାଠାଗାରର କର୍ମକର୍ତ୍ତା ଓ ସମସ୍ତ ମେମ୍ବର ମାନଙ୍କ ସାହାଯ୍ୟ ଓ ସହଯୋଗରେ ଖୁବ୍ ଧୁମଧାମରେ ମା ସରସ୍ୱତୀଙ୍କ ପୂଜା ହୋଇଛି । ପୂଜକ ଭାବେ ହୃଷିକେଶ ପଣ୍ଡା ପୂଜାକାର୍ଯ୍ୟ ସମ୍ପାଦନ କରିଥିଲେ । ମେମ୍ବର ବିଶ୍ବନାଥ ବେହେରା ଓ ପର୍ଶୁରାମ ବେହେରା କଳସ ଆଣି ମା’ଙ୍କ ନିକଟରେ ପୂଜାପାଠରେ ବସିଥିଲେ । ଗ୍ରାମବାସୀମାନେ ମଧ୍ୟ ଏଥିରେ ସହଯୋଗ କରିଥିଲେ । ଏଥିରେ ମେମ୍ବର ସନ୍ତୋଷ ପରିଡା, ସୁଶାନ୍ତ ଭୂତିଆ, ପ୍ରମୋଦ ବାରିକ, ଦୀପକ ଭୂତିଆ, ହରେକୃଷ୍ଣ ଭୂତିଆ, ଗଙ୍ଗାଧର ବେହେରା, ବୁଦ୍ଧଦେବ ବାରିକ, ନିଧିରାମ ବାରିକ, ବାଇଧର ଦେହୁରୀ, ପ୍ରତାପ ବେହେରା, ଜିତେନ୍ଦ୍ର ପରିଡା, ଗୋବିନ୍ଦ ବେହେରା, ଭରତ ଦଳେଇ, ମାନସ ବେହେରା ଓ ମାନସ ଭୂତିଆଙ୍କ ସମେତ ସମସ୍ତ ମେମ୍ବର କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ସମସ୍ତଙ୍କୁ ମା’ଙ୍କ ଭୋଗ ବଣ୍ଟନ କରାଯାଇଥିଲା । ସମସ୍ତେ ଭୋଗପାଇ ଖୁସି ମନରେ ଘରକୁ ଫେରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
