ରାଇଘର ୨୮/୧ ନବରଙ୍ଗପୁର ଜିଲ୍ଲା ରାଇଘର ଠାରେ ଥିବା ସହୀଦ ଲକ୍ଷ୍ମଣ ନାୟକ ପବ୍ଲିକ ସ୍କୁଲରେ ଆଜି ବିଜ୍ଞାନ ମେଳାର ଆୟୋଜନ କରାଯାଇଥିଲା |
ସୂଚନା ଅନୁଯାୟୀ ଗତ କିଛି ଦିନ ତଳେ ପ୍ରଶାସନ ପକ୍ଷରୁ ବ୍ଲକ ସ୍ତରୀୟ ବିଜ୍ଞାନ ମେଳାର ଆୟୋଜନ କରାଯାଇଥିଲା | ଏହି ବିଜ୍ଞାନ ମେଳାରେ କେବଳ ସରକାରୀ ବିଦ୍ୟାଳୟ ଗୁଡ଼ିକକୁ ସାମିଲ କରାଯାଇଥିବା ବେଳେ ଘରୋଇ ବିଦ୍ୟାଳୟ ଗୁଡ଼ିକକୁ ଏହି ବିଜ୍ଞାନ ମେଳାରେ ନିମନ୍ତ୍ରଣ କରାଯାଇ ନଥିଲା | 
ଫଳରେ ପିଲାଙ୍କ ଉତ୍ସାହ ଦେଖି ବିଦ୍ୟାଳୟ କର୍ତୃପକ୍ଷ ଆଜି ବିଦ୍ୟାଳୟ ପରିସରରେ ଏହି ବିଜ୍ଞାନ ମେଳାର ଆୟୋଜନ କରାଯାଇଥିଲା | ଏହି ବିଜ୍ଞାନ ମେଳାରେ ୭୫ ଗୋଟି ପ୍ରକଳ୍ପ ସ୍ଥାନ ପାଇଥିଲା l ଆଜିର ଏହି ମେଳାରେ ମୁଖ୍ୟଅତିଥି ଭାବେ ସ୍ଥାନୀୟ ବ୍ଲକ ଶିକ୍ଷା ଅଧିକାରୀ ଇଶ୍ବର ମାଝୀ ଯୋଗ ଦେଇଥିବା ବେଳେ ସମ୍ମାନନୀୟ ଅତିଥି ଭାବେ ବିଦ୍ୟାଳୟର ଅଧ୍ୟକ୍ଷ ଜୟଦେବ ପରିଡ଼ା , ଉପାଧ୍ୟକ୍ଷ ରଶ୍ମୀ ରଞ୍ଜନ ପରିଡ଼ା , ସି ଆର୍ ସି ସି ଦିଲୀପ ବସନ୍ତିଆ ପ୍ରମୂଖ ଯୋଗ ଦେଇଥିଲେ | ଏହି ବିଜ୍ଞାନ ମେଳାରେ ଜିଲ୍ଲା ସ୍ତରରେ ସ୍ଥାନ ପାଇବା ଭଳି ଉଚ୍ଚକୋଟିର ତଥା ଅତ୍ୟାଧୁନିକ ବିଜ୍ଞାନ କୌଶଳର ମଡେଲ୍ ଗୁଡ଼ିକ ସ୍ଥାନ ପାଇଥିଲା l ଏହି ବିଜ୍ଞାନ ମେଳାରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ତଥା ଚତୁର୍ଥ ଶ୍ରେଣୀର କର୍ମଚାରୀ ମାନେ ସହଯୋଗ କରିଥିବା ବେଳେ ବହୁ ଅବିଭାବକ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିବାକୁ ଯାଇଥିଲେ l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ୍
