ତିର୍ତ୍ତୋଲ :-01/02/23 -/ ବହୁ ପ୍ରତୀକ୍ଷା ପରେ କରୋନା ପାଇଁ ବନ୍ଦ ପଡ଼ିଥିବା ଆବାସ ଯୋଜନାର ହିତାଧିକାରୀଙ୍କ ତାଲିକା ପ୍ରକାଶ ପାଇଛି ଏବଂ ବ୍ଲକ ତରଫରୁ ଯୋଗ୍ୟ ଅଯୋଗ୍ୟର ତଦନ୍ତ ଶେଷ ହୋଇଛି ! ମାତ୍ର ତଦନ୍ତ ସମ୍ପୂର୍ଣ୍ଣ ବାଟବଣା ହୋଇଥିବାର ଦାବୀ କରି,ତାର ପ୍ରତିବାଦରେ ବିଭିନ୍ନ ପଞ୍ଚାୟତ ମଧ୍ୟରେ ଚାଲିଛି ସମୀକ୍ଷା ! ବାସ୍ତବ ହିତାଧିକାରୀଙ୍କୁ ବାଦ ଦେଇ ଅବାସ୍ତବ ତାଲିକା ପ୍ରସ୍ତୁତ ହେଲା କିପରି ? ପାଠକ ମାନଙ୍କ ଅବଗତ ପାଇଁ ଆମେ ନେଇଯାଉଛୁ ଜଗତସିଂହପୁର ଜିଲ୍ଲାର ତିର୍ତ୍ତୋଲ ବ୍ଲକ ଅଧୀନ ବିଶନପୁର ପଞ୍ଚାୟତକୁ ! 
ଯୋଉଠି ଆଜିର ତାରିଖରେ ପଞ୍ଚାୟତର ବିଭିନ୍ନ ଗ୍ରାମବାସୀ ମାନେ ବ୍ଲକର ମନମୁଖୀ ତଦନ୍ତ ବିପକ୍ଷରେ ଏକ ସଭା କରିଥିଲେ !ଏହି ସଭାର ସଭାପତି ଥିଲେ ବିଷ୍ଣୁ ଚରଣ ଦାସ, ଏବଂ ଏହି ସଭାକୁ ଆୟୋଜନ କରିଥିଲେ ବିଶନପୁର ବିକାଶମଞ୍ଚ ର ସଦସ୍ୟ ଦିଲ୍ଲୀପ କୁମାର ମହାନ୍ତି, ସେକ ମନୋହର ଅଲ୍ଲୀ, ଅରୁଣ କୁମାର ଦାଶ,ସେକ ଅବୁକଲାମ, ସେକ ଆୟୁବ ଅଲ୍ଲୀ, ସେକ ମୁସ୍ତାକ , ଟୁକୁନା ବାରିକ, ସେକ ମେହେବୁବ ଅଲ୍ଲୀ, ରଞ୍ଜନ ମଲ୍ଲିକ,ବିଚିତ୍ର ପଟ୍ଟନାୟକ,ସେକ ପପୁ, ସରୋଜ କୁମାର ବେହେରା ! ଷାଠିଏରୁ ଅଧିକ ବ୍ୟକ୍ତି ନିଜନିଜର ମତ ରଖିଥିଲେ ! କାହାର ଆବାସ ଯୋଜନାର ଗୃହ ପାଇଁ ଅଭିଯୋଗ ତ କାହାର ବାର୍ଦ୍ଧକ୍ୟ / ବିଧବା ଭତ୍ତାର ଅଭିଯୋଗ ! କାହାର ଲାଟିନ ହେଇ ପାରୁନି ତ କାହାର ରାସନ କାଟି ଦେଇଛନ୍ତି ! 
କୋଉଠି ରାସ୍ତା ଘାଟର ଦୁରବସ୍ଥା ତ କୋଉଠି ବର୍ଷା ଜଳ ନିଷ୍କାସନ ପାଇଁ ଡ୍ରେନେଜ ର ସମସ୍ୟା ! କିଛି ବୁଝୁ ନାହାନ୍ତି ସ୍ଥାନୀୟ ସରପଞ୍ଚ ଏବଂ ତିର୍ତ୍ତୋଲ ବିଡିଓ ! ଏହି ପଞ୍ଚାୟତରେ ସ୍ତ୍ରୀ ସରପଞ୍ଚ ସ୍ୱାମୀ ଚଳାଉଛନ୍ତି ଶାସନ ବୋଲି କୁହନ୍ତି ବିକାଶ ମଞ୍ଚର ସଦସ୍ୟ ! ସେଥିପାଇଁ ଦୁର୍ନୀତିର ଚେର ଲମ୍ବି ଯାଇଛି ! ବ୍ଲକ ପ୍ରଶାସନ ବି ଦୃଷ୍ଟି ଦେଉନାହାନ୍ତି ଏହି ପଞ୍ଚାୟତକୁ ! ବିକାଶ ମଞ୍ଚରନିସ୍ଵାର୍ଥପର ଦାବୀକୁ ସରକାର ଓ ପ୍ରଶାସନ ନିରପେକ୍ଷ ତଦନ୍ତ ଭୁକ୍ତ କରୁ ! ପ୍ରତ୍ୟେକ ସାହି, ବା ବସ୍ତି ସହିତ ସ୍କୁଲ, କଲେଜ, ଡାକ୍ତରଖାନା, ବ୍ୟାଙ୍କ, ଥାନାକୁ ଯିବାଆସିବା ପାଇଁ ଘୋର ଅସୁବିଧାକୁ ସାମ୍ନା କରୁଛନ୍ତି ଜନ ସାଧାରଣ ! ଯୋଗ୍ୟ ହିତାଧିକାରୀ ଯେପରି ସରକାରୀ ସହାୟତାରୁ ବଞ୍ଚିତ ନହେଉ! ଦଳମତ ନିର୍ବିଶେଷରେ ସମସ୍ତେ ବାସ୍ତବ କ୍ଷେତ୍ରରେ ସରକାରୀ ଗାଇଡ଼ ଲାଇନ ଅନୁସାରେ ଆବାସ ଯୋଜନାରେ ସାମିଲ ହୁଅନ୍ତୁ ! ଅସହାୟ ପରିବାର ମଧ୍ୟରୁ କାହାରି ରାସନ କାର୍ଡ ରୁ ନାମ ବାଦ ନପଡୁ ! ସମସ୍ତେ ସ୍ଵଚ୍ଚ ଭାରତ ଅଭିଯାନରେ ଲାଟିନ ଟିଏ ପାଆନ୍ତୁ ! ବିଶନପୁର ପଞ୍ଚାୟତରେ ଯେପରି ବାସ୍ତବ ହିତାଧିକାରୀଙ୍କୁ ଉପେକ୍ଷା କରାଯାଇଛି , ତାହା ନିରପେକ୍ଷ ତଦନ୍ତ ଭୁକ୍ତ ହେଉ ବୋଲି ଦାବୀ କରେ ବିକାଶମଞ୍ଚ ! ଆବାସ ଯୋଜନା ଗୃହ ହେଉ ବା ଲାଟିନ, ଏଥିରେ ସାମିଲ ଥିବା ବ୍ୟକ୍ତିଙ୍କ ଠାରୁ ଟଙ୍କା ଆଦାୟ ବନ୍ଦ କରାଯାଉ ! ଏହାଥିଲା ଉପସ୍ଥିତ ଜନଅଭିଯୋଗ ସଭାର ଆଭିମୁଖ୍ୟ !ଏହି ସଭାରେ ଉପସ୍ଥିତଅଭିଯୋଗକାରୀ ମାନ୍ୟବର ଜିଲ୍ଲାପାଳ, ତିର୍ତ୍ତୋଲ ବିଡିଓ,5T ସଚିବଙ୍କୁ ନିବେଦନ କରିଥିବାର ଦେଖିବାକୁ ମିଳିଥିଲା।
ତିର୍ତ୍ତୋଲରୁ ଭାଗବତ ପ୍ରସାଦଙ୍କ ରିପୋର୍ଟ ମସୀହା ନ୍ୟୁଜ ଓଡିଶା !
