ଢେଙ୍କାନାଳ,ବୌଦ୍ଧ ଓ ଖୋର୍ଦ୍ଧାର ସାଂସ୍କୃତିକ କାର୍ଯ୍ୟକ୍ରମ
ମ.ରାମପୁର:୧୬/୨(ମସୀହା):୧୯୨୨ ମସିହାରେ କଳାହାଣ୍ଡି ଜିଲ୍ଲାର ମ.ରାମପୁରଠାରେ ଆରମ୍ଭ ହେଇଥିବା କାମନା ଦଣ୍ଡ କୁ ୨୦୨୨ ମସିହାରେ ଏକଶତ ବର୍ଷ ପୂତ୍ତି ହେଇଥିବାବେଳେ ଆଜିଠାରୁ ଆରମ୍ଭ ହେଉଛି ଦୁଇ ଦିନିଆ ଶତବାର୍ଷିକୀ ସମାରୋହ । ଆଂଚଳିକ କାମନା ଦଣ୍ଡ ସାଂସ୍କୃତିକ ପରିଷଦ ତରଫରୁ ଆୟୋଜିତ ଏହି ଦୁଇ ଦିନିଆ ମହା ସାଂସ୍କୃତିକ ସମାରୋହ ରେ ପ୍ରଥମେ ପୂଜାର୍ଚ୍ଚନା ସହିତ ଏକ ସାଂସ୍କୃତିକ ମଶାଲ ଶୋଭାଯାତ୍ରା ସାଂସ୍କୃତିକ ମଂଚରୁ ବାହାରି ସହର ପରିକ୍ରମା କରିବ । 
ପରେ ସନ୍ଧ୍ୟାରେ ଆୟୋଜିତ ସାଂସ୍କୃତିକ ସଭା ଆୟୋଜନ ହେବା ସହିତ ସଭା ପରେ ଆଜି ଢେଙ୍କାନାଳ ଜିଲ୍ଲା ହିନ୍ଦୋଳ (ଆମ୍ବିଥି) ର ଓଁ ଶ୍ରୀ ଶ୍ରୀ ଶିବକାଳୀ କାମନା ଦଣ୍ଡ ନୃତ୍ୟ ଆୟୋଜନ କରାଯାଇଛି । ଠିକ୍ ସେହି ପରି ଆସନ୍ତାକାଲି ସକାଳ ୧୦ ଘଂଟା ସମୟରେ ରାଜ୍ୟର ବିଭିନ୍ନ ପ୍ରାନ୍ତରୁ କାମନା ଦଣ୍ଡ ସଂସ୍କୃତି ଗବେଷକ,ଲେଖକମାନଙ୍କୁ ନେଇ ଏକ ଆଲୋଚନା ଚକ୍ର ଓ ପରେ ସନ୍ଧ୍ୟାରେ ସାଂସ୍କୃତିକ ସଭା ସହିତ ବୌଦ୍ଧ ଜିଲ୍ଲାର ଦଣ୍ଡ ନୃତ୍ୟ ଓ ଖୋର୍ଦ୍ଧା ଜିଲ୍ଲାର ଭାରତ ଲୀଳା ସାଂସ୍କୃତିକ କାର୍ଯ୍ୟକ୍ରମ ର ଆୟେଜନ କରାଯାଇଛି । 
ଏହି ଶତବାର୍ଷିକୀ ସମାରୋହ ମ.ରାମପୁର ବସଷ୍ଟାଣ୍ଡ ପରିସରରେ ଅନୁଷ୍ଠିତ ହେଉଥିବାବେଳେ ସମସ୍ତଙ୍କ ଉପସ୍ଥିତି ଓ ସହଯୋଗ କାମନା କରିଛନ୍ତି ପରିଷଦର ସଭାପତି ରୁଦ୍ର ପ୍ରତାପ ସିଂହ ଓ ସଂପାଦକ ପ୍ରକାଶ ଚନ୍ଦ୍ର ସାହୁ । ଅନ୍ୟମାନଙ୍କ ମଧ୍ୟରେ ଉପସଭାପତି ଲଳିତ କୁମାର ମହାଲିକ,ଯୁଗ୍ମ ସଂପାଦକ ଦ୍ରୋଣାଚାର୍ଯ୍ୟ ମାଝୀ,ସହ-ସଂପାଦକ ଲଳିତ ସ୍ୱାଇଁ,କୋଷାଧ୍ୟକ୍ଷ ବିଭୂତି ଭୂଷଣ ମହାଖୁଡ଼ ପ୍ର୍ରମୁଖ ସମସ୍ତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରୁଛନ୍ତି ।
ମ.ରାମପୁରରୁ ପରମାନନ୍ଦ ବିଶି ଙ୍କ ରିପୋର୍ଟ
