ମାର୍ଚ୍ଚ ୯ ତାରିଖ ମାଗଣା ଚକ୍ଷୁ ଶିବିର ନିମନ୍ତେ ଦିନ ଧାର୍ଯ୍ୟ
ରାଇଘର ୨୬/୨ ନବରଙ୍ଗପୁର ଜିଲ୍ଲା ରାଇଘର ବ୍ଲକ୍ ଠାରେ ଦୀର୍ଘ ବର୍ଷ ଠାରୁ ସମାଜ ସେବା କରି ଆସୁଥିବା ସଦସ୍ୟ ମାନଙ୍କୁ ନେଇ ଏକ ସ୍ବଚ୍ଛାସେବୀ ସଙ୍ଗଠନ ଗଠିତ ହୋଇଛି l ଏହାର ନାମ ଏକତା ସାମାଜିକ ସଂଗଠନ ନାମରେ ନାମିତ କରାଯାଇ ଥିବା ବେଳେ ଉକ୍ତ ସଂଗଠନ କମିଟିରେ ସର୍ବସମ୍ମତି କ୍ରମେ ସଭାପତି ଭାବେ ଭିରେନ୍ଦ୍ରର ୟାଦବ,ଉପ ସଭାପତି ଭାବେ ଏମଡି ୟୁନୁସ୍ ରାଠୋର୍,ସଂପାଦକ ଭାବେ ଲକ୍ଷ୍ମୀକାନ୍ତ ଝାୱର୍,ସହ ସମ୍ପାଦକ ମନହର ଦଣ୍ଡସେନା ଓ କୋଷାଧ୍ୟକ୍ଷ ଭାବେ ନିରାକାର ରାଉତ ମନୋନିତ ହୋଇଛନ୍ତି l ମିଡିଆ ସଂଯୋଜକ ଭାବେ ସଞ୍ଜୟ ନାୟକ ସଙ୍ଗଠନ ଉପଦେଷ୍ଟା ଭାବେ ଶରତ ବାରିକ,କିରଣ କୁମାର ପଟ୍ଟନାୟକ ରହିଛନ୍ତି l ଅନେକ ବର୍ଷରୁ ଅଧିକାଂଶ ସମୟରେ କେତେ ବେଳେ ଖାଦ୍ୟ ବଣ୍ଟନ ତ କେତେବେଳେ କମ୍ବଳ ବଣ୍ଟନ ତ କେତେବେଳେ ରକ୍ତ ଦାନ ଶିବିର,ଚକ୍ଷୁ ଶିବିର ଭଳି ଅନେକ ସମାଜ ସେବା କରି ଆସୁଥିବା ସ୍ଥାନୀୟ ସାମ୍ବାଦିକ,ବ୍ୟବସାୟୀ,ଠିକାଦାର,ଯୁବକ ସଂଘ,ସରକାରୀ କର୍ମଚାରୀ ଅବସର ପ୍ରାପ୍ତ କର୍ମଚାରୀ ଭଳି ସମସ୍ତଙ୍କୁ ନେଇ ଏକତା ସାମାଜିକ ସଂଗଠନ ଗଠନ ହୋଇଛି l ଉକ୍ତ କମିଟି ଗଠନ ପରେ ଏକତା ସାମାଜିକ ସଂଗଠନ ପକ୍ଷରୁ ମାଗଣା ଚକ୍ଷୁ ଶିବିର ଆସନ୍ତା ମାର୍ଚ୍ଚ ମାସ ୯ ତାରିଖ ଗୁରୁବାର ଦିନ ଅନୁଷ୍ଠିତ ହେବ ଏଥି ସହ ଉକ୍ତ ଶିବିରରେ ମାଗଣା ରକ୍ତ ପରିକ୍ଷା ମଧ୍ୟ କରାଯିବ l ଏହି ସାମାଜିକ ସଂଗଠନ ଗଠନ ପରେ ଏହାର ଆଗାମୀ କାର୍ଯ୍ୟପନ୍ଥା ଉପରେ କମିଟି ଗୁରୁତ୍ୱ ଦେଇଛି l ଏହି ସଙ୍ଗଠନ ରେ ଅନେକ ସଦସ୍ୟ ସାମିଲ୍ ହୋଇଛନ୍ତି l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ୍
