ଲାଞ୍ଜିଗଡ଼,୨୮/୦୨(ମନିସ )- ଲାଞ୍ଜିଗଡ଼ ବ୍ଲକ ତଥା ବିଶ୍ବନାଥପୁର ବନାଞ୍ଚଳ ମୁଷାନାଳ ସେକ୍ସନ ଅନ୍ତର୍ଗତ ଲାଞ୍ଜି ପଞ୍ଚାୟତ ମଠାଗୁଡ଼ା ଗାଁର ବୁଦା ମାଝୀ ନାମକ ଜଣେ ବ୍ୟକ୍ତି ଭାଲୁ ଆକ୍ରମଣରେ ଗୁରୁତର ଆହତ ହୋଇଛନ୍ତି ! ତେବେ ଗୁରୁତର ଭାବେ ତାଙ୍କୁ ପରିବାର ଓ ଗାଁ ଲୋକେ ଉଦ୍ଧାର କରି ଘରକୁ ନେଇ ଆସିଥିବାବେଳେ ଜଣେ ଘରୋଇ କ୍ବାକଙ୍କ ଦ୍ବାରା ଚିକିତ୍ସା କରାଉଥିବା ଜଣାପଡ଼ିଛି ! 
ସୂଚନା ଅନୁଯାୟୀ, ବୁଦା ମାଝୀ ତାଙ୍କ ସ୍ତ୍ରୀ ନାଙ୍ଗ ମାଝୀଙ୍କ ସହିତ କର୍କାମସ୍କା ଗାଁ ନିକଟସ୍ଥ ବିଲ ପଟେ କୌଣସି କାମରେ ଯାଇଥିବାବେଳେ ଏକ ଜଙ୍ଗଲୀ ଭାଲୁ ଆକ୍ରମଣରେ ଗୁରୁତର ଆହତ ହୋଇଛନ୍ତି ! ଘଟଣାସ୍ଥଳରେ ସ୍ବାମୀ-ସ୍ତ୍ରୀଙ୍କ ଚିତ୍କାର ଶୁଣି କର୍କାମସ୍କା ଓ ମଠାଗୁଡ଼ା ଗାଁର ଲୋକେ ଦୌଡ଼ି ଆସିବାରୁ ଭାଲୁଟି ଜଙ୍ଗଲ ଆଡ଼େ ପଳାଇଯାଇଥିଲା ! ଏହାପରେ ଲୋକେ ତାଙ୍କୁ ଉଦ୍ଧାର କରି ଆଣିବା ସହ ଯୋଗାଯୋଗ ଅଭାବରୁ ଚିକିତ୍ସା ପାଇଁ ବାହାରକୁ ନେଇ ପାରିନଥିବାବେଳେ ଜଣେ କ୍ବାକଙ୍କ ଦ୍ବାରା ତାଙ୍କର ଚିକିତ୍ସା କରାଉଥିବା ଜଣାପଡ଼ିଛି ! ତେବେ ତାଙ୍କ ଅବସ୍ଥା ସ୍ଥିର ଥିବାବେଳେ ତାଙ୍କର ଉଚ୍ଚତର ଚିକିତ୍ସାର ଆବଶ୍ୟକତା ରହିଛି ! ଏଣୁ ବନ ବିଭାଗ ପକ୍ଷରୁ ଏଥିପ୍ରତି ଦ୍ରୁଷ୍ଟି ଦେବାକୁ ଦାବି ହେଉଛି !
ଲାଞ୍ଜିଗଡ଼ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
