ଚନ୍ଦାହାଣ୍ଡି (ମ ନି ସ ) ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅନକାବେଡା ଠାରୁ କୋନ୍ଧିଓଡା ଛକ ପଯ୍ୟନ୍ତ ଗ୍ରାମ୍ୟ ଉନ୍ନୟନ ବିଭାଗ ର ଦୁଇ ଥାକିଆ ରାସ୍ତା ନିର୍ମାଣ କଲଭର୍ଟ ନିର୍ମାଣ ପାଇଁ ରାସ୍ତା ଖୋଳା ଯାଇ ଅତି ଖାମଖିଆଲ ଭାବ ରେ ନୂଆପଡା- ଅନକାବେଡା ପାଖରେ ଡାଇଭରସନ ରାସ୍ତା ନିର୍ମାଣ କରିଥିବା ରୁ ଦୁର୍ଘଟଣା ଗ୍ରସ୍ତ ହୋଇ ବରିଷ୍ଠ ବି ଜେ ପି ନେତା ଅନ୍ତର୍ଯ୍ୟାମୀ ମନହିରା ଆଜି ପ୍ରାଣ ହରାଇଛନ୍ତି l ଯାହା କୁ ନେଇ ଆଜି ଚନ୍ଦାହାଣ୍ଡି ଅଞ୍ଚଳ ରେ ଶୋକ ର ଛାୟା ଖେଳି ଯାଇଛି l ଗ୍ରାମ୍ୟ ଉନ୍ନୟନ ବିଭାଗ ଏବଂ ଠିକାଦାର ଙ୍କ ଏତା ଦୃଶ୍ୟ ଖାମଖିଆଲ ମନୋଭାବ କୁ ବିଭିନ୍ନ ମହଲ ରେ ନିନ୍ଦାକରାଯିବା ସହ ତୁରନ୍ତ ଜିଲ୍ଲାପାଳ ଦୃଷ୍ଟି ଦେଇ ଦୃଢ଼ କାର୍ଯ୍ୟନୁଷ୍ଠାନ ନେବା କୁ ଅଞ୍ଚଳବାସୀ ଦାବୀ କରିଛନ୍ତି l ଏବାଦ ରେ ଚନ୍ଦାହାଣ୍ଡି ଥାନା ରେ ମୃତକଙ୍କ ପରିବାର ପକ୍ଷ ରୁ କୌଣସି ଅଭିଯୋଗ କରି ନଥିବା ଭାରପ୍ରାପ୍ତ ଥାନା ଅଧିକାରୀ ଖଗେଶ୍ୱର ଖୋସଲା ପ୍ରକାଶ କରିଛନ୍ତି l
ମିଳିଥିବା ସୂଚନା ଅନୁସାରେ ଗତ ୩୧ ତାରିଖ ଶୁକ୍ରବାର ଦିନ ବରିଷ୍ଠ ବିଜେପି ନେତା ଅନ୍ତର୍ଯ୍ୟାମୀ ମନହିରା (୪୪) କୌଣସି କାମରେ ନୂଆପଡା ଗ୍ରାମ କୁ ଆସିଥିଲେ l ତାଙ୍କ କାମ ସାରି ସନ୍ଧ୍ୟା ସମୟରେ ବାଇକ ଯୋଗେ ନିଜ ଘର ସନ୍ଧିମୁଣ୍ଡା କୁ ଫେରୁ ଥିଲେ l ନୂଆପଡା – ଅନକାବେଡା ରାସ୍ତା ମଝିରେ ଆର ଡି ବିଭାଗ ଦ୍ୱାରା କଲଭର୍ଟ ନିର୍ମାଣ ପାଇଁ ରାସ୍ତା କୁ ଏକ ମାସ ରୁ ଖୋଳାଯାଇ ନିର୍ମାଣ କାର୍ଯ୍ୟ ଠିକା ନେଇ ଥିବା ଠିକାଦାର ଅତି ଖାମଖିଆଲ ଭାବରେ ବିଲ ମଧ୍ୟରେ କୌଣସି ମୋରୁମ ନ ପକାଇ ଛାଡି ଦେଇ ଥିବାରୁ ଅନ୍ତର୍ଯ୍ୟାମୀ ଙ୍କ ବାଇକ କାଦୁଅ ରେ ଖସି ଯିବାରୁ ସେ ପଡିଯାଇ ଗୁରୁତର ହୋଇ ପଡିବାରୁ ତାଙ୍କୁ ପ୍ରଥମେ ଚନ୍ଦାହାଣ୍ଡି ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ଭର୍ତ୍ତି କରାଯାଇଥିଲା। ସ୍ୱାସ୍ଥ୍ୟବସ୍ଥା ରେ କୌଣସି ସୁଧାର ନ ଆସିବାରୁ ପରିବାର ଲୋକେ ଛତିଶଗଡ ରାୟପୁର ର ଏକ ଘରୋଇ ହସ୍ପିଟାଲ କୁ ଚିକିତ୍ସା ପାଇଁ ନେଇ ଥିଲେ l ସେଠାରେ ଆଜି ଚିକିତ୍ସାଧିନ ଅବସ୍ଥା ରେ ସେ ପ୍ରାଣହରାଇ ଥିଲେ l ଏଠାରେ ଠିକ ଭାବରେ ମୋରୁମ, ବାଲି ଦେଇ ଡାଇଭରସନ ରାସ୍ତା ନିର୍ମାଣ କରା ଯାଇ ନ ଥିବାରୁ ବର୍ଷାରେ ରାସ୍ତା କାଦୁଆ ପଚ ପଚ ହୋଇ ରାସ୍ତା ରେ ଛୋଟ ଛୋଟ ଦୁର୍ଘଟଣା ଦେଖା ଦେଉଥିବା ରୁ ଅନକାବେଡା, ନୂଆପଡା ବାସୀ ବାରମ୍ବାର ଠିକାଦାର ଏବଂ ଆର ଡି ବିଭାଗ ର ଏସ ଡି ଓ କନିଷ୍ଠ ଯନ୍ତ୍ରୀ ଏବଂ ଠିକାଦାର ଗିରିଧାରୀ ଙ୍କୁ ଗୁହାରି କରିଥିଲେ ମଧ୍ୟ ସେମାନେ ଗ୍ରାମବାସୀ ଙ୍କୁ ଆଜିକାଲି କହି ଦିନ ବିତାଉଥିବା ନେଇ ଗ୍ରାମର ବାଲାଜୀ ନାଗ, ଅଭି ରାମ ପାଣ୍ଡେ, ଗୁନସାଗର ପାଣ୍ଡେ ପ୍ରକାଶ କରିଛନ୍ତି l ଏଠାରେ ବି ଜେ ପି ନେତା ଦୁର୍ଘଟଣା ଗ୍ରସ୍ତ ହେବା ପରେ ବାଲି ମୋରମ ଦେଇ ଡାଇଭରସନ ରାସ୍ତା ନିର୍ମାଣ କୁ ନେଇ ସାଧାରଣ ରେ ତୀବ୍ର ଅସନ୍ତୋଷ ଦେଖା ଦେଇଛି l ଏ ସମ୍ପର୍କ ରେ ବିଭାଗୀୟ ଏସ ଡି ଓ ଙ୍କୁ ପଚାରିବାରୁ ଘଟଣା କୁ ସ୍ୱୀକାର କରିବା ସହ ଡାଇଭରସନ ରାସ୍ତା ଠିକ ଭାବରେ ନିର୍ମାଣ କରାଯିବା ସହ ଖୁବ ଶିଘ୍ର ଖୋଲା ଯାଇଥିବା କଲଭର୍ଟ କାର୍ଯ୍ୟ ସମାପ୍ତ କରାଯିବ ବୋଲି ସେ ପ୍ରକାଶ କରିଛନ୍ତି l ଏ ଦିଗରେ ଜିଲ୍ଲାପାଳ ତୁରନ୍ତ ଦୃଷ୍ଟି ଦେଇ ପଦକ୍ଷେପ ନେବା କୁ ସାଧାରଣ ରେ ଦାବୀ ହୋଇଛି।
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ
