ନର୍ଲା (ମନିସ)ଗତ ୧ ତାରିଖରେ ପାଳିତ ହୋଇଅଛି ଉତ୍କଳ ଦିବସ । ଏହି ଅବସରରେ ୨୦୧୭ ମସିହାର ରାଜ୍ୟ କୃତୀ ସମ୍ମାନ (ରାଜ୍ୟପାଳ ପୁରସ୍କାର) ତତ୍କାଳୀନ ବୋରଗୁଡା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ସହଦେବ ବୁଦ୍ଧିଆଙ୍କୁ ପ୍ରଦାନ କରାଯାଇଛି । ଜିଲ୍ଲାପାଳ ପି ଅନ୍ବେଷା ରେଡ୍ଡୀ ଓ ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂଦେଓ ପ୍ରଦାନ କରିଛନ୍ତି । ଶିକ୍ଷକ ଶ୍ରୀ ବୁଦ୍ଧିଆ ଜଣେ ଉତ୍ତମ ଶିକ୍ଷକର ଦାୟିତ୍ବ ନିର୍ବାହ କରି ତାଙ୍କ ଶିକ୍ଷକତା ଜୀବନରେ ଅନେକ ସମ୍ମାନିତ ହୋଇଛନ୍ତି । ସ୍ବଚ୍ଛ ବିଦ୍ୟାଳୟ, ମୋ ସ୍କୁଲ ଅଭିଯାନ,ସର୍ବ ଶ୍ରେଷ୍ଡ ବିଦ୍ୟାଳୟ ପରିଚାଳନା ଆଦିରେ ସେ ପୂର୍ବରୁ ଉଚ୍ଚ ପ୍ରଶଂସିତ ହୋଇଛନ୍ତି । ତତସହିତ ଶ୍ରୀଯୁକ୍ତ ବୁଦ୍ଧିଆ ଜଣେ ଛାତ୍ରବତ୍ସଳ,ନିଷ୍ଠାବାନ ଓ ଦାୟିତ୍ୱ ସମ୍ପନ୍ନ ଶିକ୍ଷକ ଭାବେ ଅଞ୍ଚଳରେ ବେଶ୍ ଜଣାଶୁଣା । ଏହା ଜଣା ପଡିବା ପରେ ବିଭିନ୍ନ ମହଲରୁ ଓ ବୁଦ୍ଧିଜୀବୀ ମାନେ ଶ୍ରୀ ବୁଦ୍ଧିଆଙ୍କୁ ଅଭିନନ୍ଦନ ଜଣାଇଛନ୍ତି ।
ଦୀପକ କୁମାର ଠାକୁର/ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି
