କାମାକ୍ଷାନଗର -(ମନିସ )୦୪/୦୪_ ପ୍ରେମ ସମ୍ପର୍କ ପାଇଁ ଝୁଲି ପଡ଼ିଲେ ଜଣେ ନାବାଳିକା।ଏହିପରି ଅଭାବନୀୟ ଘଟଣା ଘଟିଛି କାମାକ୍ଷାନଗର ଥାନା ଅନ୍ତର୍ଗତ ମହୁଲପାଳ ଗ୍ରାମରେ ।ସେହି ଗ୍ରାମ ର ଜଣେ ଝିଅ ର ଅନ୍ୟ ଜାତିର ଯୁବକ ସହ ପ୍ରେମ ସମ୍ପର୍କ ଗଢି ଉଠିଥିଲା।ଏହା ଜାଣିବା ପରେ ପୁଅ ଘର ପରିବାର ଲୋକ ଓ ଝିଅ ଘର ଲୋକଙ୍କ ମଧ୍ୟରେ କଥା କଟାକଟି ସହ ବଚସା ହୋଇଥିଲା।ଦୁଇ ଜଣ ଙ୍କ ଜାତି ଅଲଗା ହୋଇ ଥିବାରୁ ବିବାହ ପାଇଁ ଉଭୟ ପରିବାର ରାଜି ହୋଇ ନ ଥିଲେ।ଏହା ଫଳରେ ନାବାଳିକା ଜଣକ ମାନସିକ ଭାରସାମ୍ୟ ହରାଇ ନିଜ ଘର ବାରିପଟେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ପୋଲିସ ପକ୍ଷରୁ ସୂଚନା ଦିଆଯାଇଛି। ଏ ନେଇ କାମାକ୍ଷା ନଗର ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିଛି।
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
