ବନ୍ଧୁଗାଁ ତା -୨୩.୦୪.୨୦୨୩, କୋରାପୁଟ ଜିଲ୍ଲାର ବନ୍ଧୁଗାଁ ବ୍ଲକ ଅନ୍ତର୍ଗତ ଘୁମୁରା ଗ୍ରାମରେ ପବିତ୍ର ଅକ୍ଷୟ ତୃତୀୟା ବା କୃଷକ ଦିବସ ଯଥାବିଧି ନିୟମ ଅନୁସାରେ ପାଳନ ହୋଇ ଯାଇଛି । ପ୍ରାରମ୍ଭରେ ସକାଳ ନଘଟିକା ସମୟରେ ପୂଜକ ନିକୁଞ୍ଜ ଶତପଥୀ ମହାଶୟଙ୍କ ଙ୍କ ପବିତ୍ର ବେଦମନ୍ତ୍ର ଓ ମାଙ୍ଗଳିକ ପୂଜାବିଧି ଅନୁସାରେ କୃଷି ସୂଚନା ଓ ପରାମର୍ଶ କେନ୍ଦ୍ରର ସାର ଭିତ୍ତିକ ନିୟତ୍ରଣ କର୍ମଚାରି କଣ୍ଡାନା ଗୁରୁମୂର୍ତ୍ତୀ,ଏଥିରେ ମୁଖ୍ୟ ବକ୍ତା ଭାବରେ ବନ୍ଧୁଗାଁ ବ୍ଲକ ଅଧ୍ୟକ୍ଷା ସୁଶ୍ରୀ ଲଷ୍ମୀ ମିଣ୍ୟାକା,କର୍ତ୍ତା ଭାବରେ ପୂଜାରେ ଉପବେଶନ ହୋଇଥିଲେ । ବନ୍ଧୁଗାଁ ବ୍ଲକର ପାଞ୍ଚଟି ପଞ୍ଚାୟତର ସରପଞ୍ଚ ଓ ସମିତି ସଭ୍ୟ ଓ ସଭ୍ୟା ଉପସ୍ଥିତ ରହିଥିଲେ ପଞ୍ଚାୟତର ଉକ୍ତ ପୂଜା କାର୍ଯ୍ୟରେ ସହ କର୍ତ୍ତା ଭାବରେ ଉପସ୍ଥିତ ରହି ବର୍ଷ ସାରା ଭଲ ଫସଲ ଅମଳ ନିମନ୍ତେ ଭଗବାନଙ୍କୁ ପ୍ରାର୍ଥନା କରିଥିଲେ । ଏହା ସହ ବନ୍ଧୁଗାଁ ବ୍ଲକର କୃଷି କାର୍ଯ୍ୟାଳୟର କୃଷି ଅଧିଦର୍ଶକ,ଗ୍ରାମ୍ୟ କୃଷି କର୍ମଚାରୀ,ସହକାରୀ ବୈଶୟିକ ପରିଚାଳକ ଓ କୃଷକ ସାଥୀ ଉପସ୍ଥିତ ରହିବା ସହ ଉକ୍ତ ଗ୍ରାମ ଓ ପଡ଼ୋଶୀ ଗ୍ରାମର ଶତାଧିକ ଚାଷୀ ଭାଇ ଓ ଭଉଣୀ ପ୍ରମୁଖ ଭାବରେ ସକ୍ରିୟ ଅଂଶଗ୍ରହଣ କରି କାର୍ଯ୍ୟକ୍ରମକୁ ସଫଳ କରିଥିଲେ । ଯଥାବିଧି ପୂଜା କାର୍ଯ୍ୟ ସହ ହୋମ ଆଳତି ସମାପ୍ତ ହେବା ପରେ ବିହନ ଜମିରେ ପକାଇ ଅଖିମୁଠି ଅନୁକୂଳ ହେବା ସହ ଗ୍ରାମ ବାସୀ ମାନେ ନିଜର ହଳ ଜମିରେ ବୁଲାଇ ପବିତ୍ର ଶଙ୍ଖ ଧ୍ଵନି ଓ ହୂଳ ହୁଳି ଦେଇ ବିହନ ମଧ୍ୟ ବୁଣିଥିଲେ । ଏହା ପରେ ଦ୍ୱିତୀୟ ଅଧିବେଶନରେ ସଭାକାର୍ଯ୍ୟ ଆରମ୍ଭ ହୋଇଥିଲା। ଘୁମୁରା ଗ୍ରାମର ପ୍ରମୁଖ ବୁଦ୍ଧିଜୀବୀ ଓ ଭଦ୍ର ବ୍ୟକ୍ତି ଓ ପୁରୁଷ ଓ ମହିଳାଙ୍କ ଉପସ୍ଥିତ ରହି ଅକ୍ଷୟ ତୃତୀୟାର ମାହାତ୍ମ୍ୟ ତଥା କୃଷି ଓ ଆନୁସଙ୍ଗିକ କୃଷି ଉପରେ ଚାଷୀ ମାନଙ୍କୁ ବୁଝାଇଥିଲେ ।
ବନ୍ଧୁଗାଁ ରୁ ସଂଜୀବ କୁମାର ବାଙ୍ଗାରି ଙ୍କ ରିପୋର୍ଟ
