ଜୟପାଟଣା:୦୬/୦୬(ଅନୁପମ ମିଡ଼ିଆ) ଜିଲ୍ଲା ବ୍ୟାପି ମିଳିତ ଅମଲା କର୍ମଚାରୀଙ୍କ ଆନ୍ଦୋଳନ ଆଜି କ୍ରମାଗତ ୬ଦିନରେ ଉପନୀତ ହୋଇଛି । ଦାବି ପୁରଣ ନହେଲେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆନ୍ଦୋଳନ ଅବ୍ୟାହତ ରହିବ ବୋଲି ସୂଚନା ମିଳିଛି । ଦାବି ଅନୁଯାୟୀ ଜିଲ୍ଲା ସ୍ତରୀୟ କନିଷ୍ଠ ସହାୟକଙ୍କ ମୂଳ ବେତନ 
ସପ୍ତମ ବେତନ ସ୍ତର ୪ରୁ ସ୍ତର ୯ ପର୍ଯ୍ୟନ୍ତ ବୃଦ୍ଧି କରିବା ନିମନ୍ତେ ଦାବି ଜଣାଇଛନ୍ତି । ଜୟପାଟଣା ବ୍ଲକ ମିଳିତ ଅମଲା କର୍ମଚାରୀ ସମୂହ ମଧ୍ୟ ଏଥିରେ ସାମିଲ ହୋଇଛନ୍ତି । ଗତ ୧ତାରିଖ ଦିନ ସ୍ଥାନୀୟ ଗୋଷ୍ଠୀ ଶିକ୍ଷା ଅଧିକାରୀଙ୍କର ଦପ୍ତର ପରିଷରରେ ଏକ ବୈଠକରେ ଏକତ୍ରିତ ହୋଇ ଜିଲ୍ଲା ଅମଲା ମଞ୍ଚର ନିଷ୍ପତ୍ତି କ୍ରମେ ସମୂହ ଛୁଟିରେ ରହିବାକୁ ନିଷ୍ପତ୍ତି ନିଆଯାଇଛି । ସଂଘ ପକ୍ଷରୁ ଜିଲ୍ଲାପାଳଙ୍କର ଦପ୍ତର ପରିଷର ତଥା ଉପଜିଲ୍ଲାପାଳଙ୍କର ପରିଷରରେ ଧାରଣା ଅବ୍ୟାହତ ଜାରି ରହିଛି ।
ବରିଷ୍ଟ ପତ୍ରକାର ଜଗମୋହନ ପଟ୍ଟନାୟକ ଙ୍କ ରିପୋର୍ଟ୍
