ଚନ୍ଦାହାଣ୍ଡି -(ମ ନି ସ )ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ରେ କଲବଲ କରୁଛି ଗ୍ରୀଷ୍ମ ତାତି l ଅସହ୍ୟ ଗ୍ରୀଷ୍ମ ତାତି ସାଙ୍ଗକୁ ଗୁଳଗୁଳି ଜନଜୀବନ କୁ ଅସ୍ତବ୍ୟସ୍ତ କରି ପକାଉଛି l ସକାଳ 11 ଟା ରୁ 3 ଟା ପର୍ଯ୍ୟନ୍ତ ପ୍ରଚଣ୍ଡ ଗ୍ରୀଷ୍ମ ଅନୁଭୂତ ହେଉଛି l ଫଳରେ 11 ଟା ରୁ ଘରୁ ବାହାରିବା ସହର ତଥା ଗ୍ରାମବାସିଙ୍କ ପାଇଁ ଏକ ପ୍ରକାର କଷ୍ଟ ସାଧ୍ୟ ହୋଇ ପଡୁଛି l ଏ ପର୍ଯ୍ୟନ୍ତ ମୌସୁମୀ କିମ୍ବା ଅଦିନିଆ ବର୍ଷା ହୋଇ ନ ଥିବା ବେଳେ ବର୍ତ୍ତମାନ ବ୍ଲକ ରେ ତାପମାତ୍ରା 40 ଡିଗ୍ରୀ ରୁ ଅଧିକ ରହୁଛି l ଜରୁରୀ କାମ ଥିଲେ ହିଁ ଲୋକେ ମୁଣ୍ଡରେ ଟୋପି କିମ୍ବା ଗାମୁଛା ସାଙ୍ଗକୁ କଳା ଚଷମା ଓ ପାଣି ବୋତଲ ନେଇ ଯିବା ଆସିବା କରୁଛନ୍ତି l ଅନ୍ୟପଟେ ଗ୍ରୀଷ୍ମ ପ୍ରବାହ ସାଙ୍ଗକୁ ପାନୀୟ ଜଳ ସମସ୍ୟା ଓ ଅଘୋଷିତ ବିଦୂତ କାଟ ଏବେ ବ୍ଲକ ବାସୀଙ୍କୁ ଚିନ୍ତା ରେ ପକାଇ ଦେଇଛି l ଜଙ୍ଗଲ ଜମି ପଟ୍ଟା ଏବଂ ମକା ଚାଷ ନାମରେ ଆଖ ପାଖ ଜଙ୍ଗଲ ସମ୍ପୂର୍ଣ ଧ୍ବଂସ ହୋଇ ଯାଇଥିବା ବେଳେ ଏହାର ପ୍ରଭାବ ଏବେ ଜନସାଧାରଣ ଏବଂ ବନ୍ୟ ଜନ୍ତୁ ଉପରେ ପଡୁଛି l ରାସ୍ତା ପ୍ରସସ୍ତି କରଣ ନାମରେ ରାସ୍ତା କଡରେ ଥିବା ଗଛ କାଟିଦିଆ ଯାଉଥିବା ବେଳେ ସେହି ମାତ୍ରା ରେ ବନବିଭାଗ ପକ୍ଷରୁ ବୃକ୍ଷ ରୋପଣ କରାଯାଉନାହିଁ l ଫଳରେ ଅଧିକ ମାତ୍ରାରେ ଗରମ ଅନୁଭୂତ ହେଉଛି l ଅସହ୍ୟ ଗରମ ସାଙ୍ଗକୁ ଅଘୋଷିତ ବିଦୂତ କାଟ ଅଧିକ ଦାଉ ସାଧୁଛି l ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେଇ ସମସ୍ତ ରାସ୍ତା କଡରେ ଅଧିକ ବୃକ୍ଷ ଲଗାଇ ସବୁଜିମା ସୃଷ୍ଟି କରିବାକୁ ଜନସାଧାରଣ ମହଲରେ ଦାବି ହୋଇଛି l
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ
