ରୁପ୍ରା, ୧୭/୩ : ନର୍ଲାବ୍ଲକ ରୁପ୍ରା ଗ୍ରାମ ପଞ୍ଚାୟତ ଅଧିନ ରୁପ୍ରା (ଖମ୍ୱପଡା) ସ୍ଥିତ ଶ୍ରୀ ଶ୍ରୀ ବିଶ୍ୱେଶ୍ୱର ମହାଦେବଙ୍କ ମନ୍ଦିର ପରିସରରେ ଆଞ୍ଚଳିକ ଦୋଳଯାତ୍ରା କମିଟୀ ଆୟୋଜନରେ ଓ ଶ୍ରୀ ଶିବଶକ୍ତି ସାଂସ୍କୃତିକ ଅନୁଷ୍ଠାନର ଓ ଅଞ୍ଚଳର ଗ୍ରାମବାସୀଙ୍କ ସହଯୋଗରେ ଦୋଳଯାତ୍ରା ଉପଲକ୍ଷେ ପୁରାଣ ପାଠ ଓ ଷୋହଳ ପ୍ରହରୀ ନାମଯଗ୍ୟଁ ଅନୁଷ୍ଠିତ ହେବାସହ ଏକ ଆଧ୍ୟାତ୍ମ ପରିବେଷ ଦେଖିବାକୁ ମିଳିଛି । କରୋନା ମହାମାରୀ ପ୍ରଭାବରେ ଦୁଇବର୍ଷ ହେଲା ଦୋଳଯାତ୍ରା ଅନୁଷ୍ଠିତ ହୋଇନଥିଲା । 
ଏଣୁ ଚଳିତ ବର୍ଷ ଦୋଳଯାତ୍ରାରେ ଶ୍ରଦ୍ଧାଳୁ ମାନଙ୍କ ପ୍ରବଳ ଭିଡ ହେଉଥିବା ଦେଖାଯାଇଛି । ନାମ ଯଗ୍ୟଁରେ କର୍ତ୍ତା ଦାୟିତ୍ୱରେ ଗିରିଜା ଶଙ୍କର ସେନାପତି ତାଙ୍କ ଦୁଇପତ୍ନୀ ପ୍ରେମଶିଳା ସେନାପତି ଓ କ୍ଷୀତିସୂତା ସେନାପତି ରହିଥିବା ବେଳେ ପୂଜକ ଶେଷଦେବ ନନ୍ଦ ଓ ସହଯୋଗୀ ପୂଜକ ଜଵାହରଲାଲ୍ ନନ୍ଦ ରହିଛନ୍ତି । ଶୁକ୍ରବାର ସନ୍ଧ୍ୟାରେ ହରିହର ଭେଟ କାର୍ଯ୍ୟକ୍ରମ ଅନୁଷ୍ଠିତ ହେବ ଓ ଶନିବାର ପୂର୍ଣ୍ଣାହୁତି ହେବ । ରୁପ୍ରା ରୁ ପ୍ରଦୀପ ସେନାପତି ଙ୍କ ରିପୋର୍ଟ
