ତାଳଚେର ( ଆର୍ତ୍ତତ୍ରାଣ ପାଣି ) : ଗତ କାଲି ତାଳଚେର ଗୋଡ଼ିବନ୍ଧରାସ୍ତାରେ ଅଜଣା ଗାଡି ସାତ ଗାଇକୁ ମଡ଼େଇ ଫେରାର ହୋଇ ଯାଇଥିବା ଖବର ଆମର ହସ୍ତଗତ ହୋଇଛି l ଗ୍ରାମ ଗୁଡିକ ଖଣି ଦ୍ୱାରା ବିସ୍ଥାପିତ ହେଲାପରେ ଏବଂ ଚାରଣଭୂମି ସବୁ ଖଣି ଅଧିକୃତ କରିଥିବା ଯୋଗୁଁ ଯେଉଁସବୁ ଗୃହ ପାଳିତ ଜୀବ ଥିଲେ ଆଜି ରାସ୍ତା ଉପରେ ଦୟନୀୟ ପରିସ୍ଥିତିରେ କାଳ କାଟୁଛନ୍ତି l ବିଭିନ୍ନ ସଂଗଠନ ଏବଂ ପଶୁପ୍ରେମୀ ରାସ୍ତା ଉପରେ ଥିବା ପଶୁଙ୍କୁ ଯାହା କିଛି ପ୍ରଯତ୍ନ କରୁଛନ୍ତି ତାହା ସମୁଦ୍ରକୁ ଶଙ୍ଖେ l ବିଭିନ୍ନ ମହଲରୁ ଏହି ଗୃହ ପାଳିତ ଜୀବନଙ୍କ ଜୀବନ ରକ୍ଷା ନିମନ୍ତେ କାଞ୍ଜିଆହୁଦା କିମ୍ବା ତାଙ୍କ ଯତ୍ନ ନେବା ନିମନ୍ତେ ଉପଖଣ୍ଡ ପ୍ରଶାସନକୁ ଜୀବପ୍ରେମୀଙ୍କ ଅନୁରୋଧକୁ ପ୍ରଶାସନ ଅଣଦେଖା କରୁଥିବା ଶୁଣିବାକୁ ମିଳୁଅଛି l ରାସ୍ତା ଉପରେ ଘଣ୍ଟା ଘଣ୍ଟା ଧରି ପଡିରହିଥିବା ମୃତ ଗାଇ ଗୋରୁଙ୍କ ଦୃଶ୍ୟ ଅନେକ ସମୟରେ ଜନ ସାଧାରଣଙ୍କୁ ବିଚଳିତ କରିବା ସହିତ ପ୍ରଶାସନ ର ସମ୍ବେଦନା ହୀନ ନିଷ୍କ୍ରିୟତା ବୁଦ୍ଧିଜୀବୀ ମହଲରେ ଚର୍ଚ୍ଚାର ବିଷୟ ସାଜିଛି l
