ବାଲେଶ୍ଵର,୦୨/୮/୨୩ – ଓଡିଶା ପ୍ରଶାସନିକ ସେବା ପରୀକ୍ଷାରେ ବାଲେଶ୍ୱର ଜିଲ୍ଲା ଖଇରା ବ୍ଲକରେ ଦୁଇଜଣ ସଫଳତା ହାସଲ କରିଥିବା ମେଧାବୀ ଛାତ୍ରଛାତ୍ରୀଙ୍କୁ ଭେଟି ସମ୍ବର୍ଦ୍ଧିତ କଲେ ବିଜେପି ରାଜ୍ୟ ମୁଖପାତ୍ର ଠାକୁର ରଞ୍ଜିତ ଦାସ । ଗତ ତା ୦୧/୮/୨୩ ରିଖ ଶ୍ରୀ ଦାସ ପ୍ରଥମେ ୨୦୩ ରାଙ୍କ(Rank) ରଖିଥିବା ବାଉଁଶଗଢିଆ 
ପଞ୍ଚାୟତ ଶାଳଗଡିଆ ଗ୍ରାମର ଅଭୟ କୁମାର ସ୍ୱାଇଁଙ୍କ ଝିଅ ସୁଶ୍ରୀ ନିବେଦିତା ସ୍ୱାଇଁଙ୍କୁ ଭେଟି ଉତ୍ତରୀୟ, ପୁଷ୍ପଗୁଛ ଓ କଲମ ଦେବା ସହିତ ମିଠା ଖୁଆଇଥିଲେ ।ପରେ ୨୦୨ ରାଙ୍କ(Rank) ରଖିଥିବା ନହଙ୍ଗ ଗ୍ରାମର ପ୍ରଭାକର ଦାସଙ୍କ ସାନପୁଅ ଯୀଶୁକୃଷ୍ଣ ଦାସଙ୍କୁ ଭେଟି ଉତ୍ତରୀୟ, ପୁଷ୍ପଗୁଛ, କଲମ ଦେଇ ସମ୍ବର୍ଦ୍ଧିତ କରିବା ସହିତ ମିଠା ଖୁଆଇଥିଲେ । ବିଜେପି ମୁଖପାତ୍ର ଶ୍ରୀ ଦାସଙ୍କ ସମେତ ସୁମନ୍ତ ଜେନା, ଅଜୟ ବେହେରା, ସର୍ବେଶ୍ୱର ମିଶ୍ର, ସୁବାସ ପ୍ରଧାନ, ମୁକ୍ତିକାନ୍ତ ପାଣିଗ୍ରାହୀ,ଅଜିତ ଦାସ, ଶାନ୍ତି ଦାସ, ବ୍ରଜ ଦାସ, ରମେଶ ଦାସ, ପୁର୍ଣ୍ଣଚନ୍ଦ୍ର ପଣ୍ଡା ପ୍ରମୁଖ ଉପସ୍ଥିତ ଥିଲେ । ଶ୍ରୀ ଦାସ ୨ ମେଧାବୀ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରିବା ସହିତ ଯେଉଁ ବିଭାଗ ମିଳିବ ନିରପେକ୍ଷ ଭାବେ ନିଷ୍ଠାର ସହ ଲୋକଙ୍କ ପାଇଁ କାର୍ଯ୍ୟକରିବାକୁ ପରାମର୍ଶ ଦେବାସହ ଏହି ସଫଳତା ବାଲେଶ୍ଵର ଜିଲ୍ଲା ଖଇରା ଅଞ୍ଚଳ ପାଇଁ ଏକ ଗର୍ବର ବିଷୟ ବୋଲି କହିଥିଲେ । ଯୀଶୁକୃଷ୍ଣ ଓ ସୁଶ୍ରୀ ନିବେଦିତା ଉଭୟ ମେଧାବୀ ଛାତ୍ରଛାତ୍ରୀ ହୋଇଥିବାବେଳେ ପାଠ ପଢା ସହ କବିତା, ପ୍ରବନ୍ଧ ଓ ଗଳ୍ପକୁ ପ୍ରାଧାନ୍ୟ ଦେଉଥିବା କହିଛନ୍ତି । ଯୀଶୁକୃଷ୍ଣ ୨୦୧୪ ମସିହାରେ ଫତେପୁର ହାଇସ୍କୁଲ ରୁ ୮୫ ପ୍ରତିଶତ ନମ୍ବର ରଖି ମ୍ୟାଟ୍ରିକ ପାସ 
କରିବା ପରେ ସୋର ୟୁଏନ କଲେଜରେ +୨ ବିଜ୍ଞାନ ଓ ବିଜେବି କଲେଜରୁ +୩ରେ ସ୍ନାତକ ପାସ କରିଥିଲେ । ପରେ ଦିଲ୍ଲୀ ବିଶ୍ୱବିଦ୍ୟାଳୟ ଅଧୀନ ହିନ୍ଦୁ କଲେଜରୁ ୨୦୨୨ ମସିହାରେ ପିଜି ସମ୍ପୂର୍ଣ୍ଣ କରି ୟୁପିଏସି ଓ ଓପିଏସି ପାଇଁ ନିଜକୁ ପ୍ରସ୍ତୁତ କରୁଥିଲେ । ଦିନକୁ ସେ ୧୦ରୁ ୧୨ ଘଣ୍ଟା ପରିଶ୍ରମ କରୁଥିଲେ । ଯୀଶୁକୃଷ୍ଣଙ୍କ ବାପା ନହଙ୍ଗ ଡାକଘରେ ଡାକ କର୍ମଚାରୀ ଭାବେ କାର୍ଯ୍ୟ କରୁଛନ୍ତି । ସେହିପରି ସୁଶ୍ରୀ ନିବେଦିତାଙ୍କ ବାପା ଜଣେ ବ୍ୟବସାୟୀ ହୋଇଥିବା ବେଳେ ମା ନିରୁପମା ବେହେରା ହାଟଢ଼ୀହି ବ୍ଲକ ଅଧୀନ ନୁଆଗାଁ ୟୁପି ସ୍କୁଲରେ ଶିକ୍ଷୟତ୍ରୀ ଭାବେ କାର୍ଯ୍ୟ କରୁଛନ୍ତି । ସେ ୨୦୦୭ ମସିହାରେ ସୋସ କାନପୁର ଅଧୀନ ବାଲୁକେଶ୍ୱର ହାଇସ୍କୁଲରୁ ୯୪ ପ୍ରତିଶତ ନମ୍ବର ରଖି ମ୍ୟାଟ୍ରିକ ପାସ କରିବା ପରେ କଟକ ରେଭେନ୍ସା କଲେଜରେ +୨ ବିଜ୍ଞାନ ଓ +୩ରୁ ସ୍ନାତକ କରିଥିଲେ । ପରେ ଦିଲ୍ଲୀ ବିଶ୍ୱବିଦ୍ୟାଳୟ ଅଧୀନ ଶ୍ରଦ୍ଧା ନନ୍ଦ କଲେଜରୁ ୨୦୧୬ ମସିହାରେ ପିଜି ସମ୍ପୂର୍ଣ୍ଣ କରିବା ପରେ ଦିଲ୍ଲୀରେ ଏମ ଫିଲଡ ଓ ବାରିପଦାରେ ୨୦୨୩ରେ ଏଲଏଲବି ସମ୍ପୂର୍ଣ୍ଣ କରିଥିଲେ । ନିଜ ପାଠ ପଢା ସହ ପିଲାଙ୍କୁ ପାଠ ପଢାଇ ସେ ନିଜକୁ ୟୁପିଏସି ଓ ଓପିଏସି ପାଇଁ ପ୍ରସ୍ତୁତ କରୁଥିଲେ । ଏଥି ଲାଗି ସେ ଦିନକୁ ୬ରୁ ୭ ଘଣ୍ଟା ପରିଶ୍ରମ କରୁଥିବା କହିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
