ବାଲେଶ୍ଵର, ୧୫/୮/୨୩- ପବିତ୍ର ୭୭ତମ ସ୍ବାଧୀନତା ଦିବସ ବାଲେଶ୍ଵର ଜିଲ୍ଲାର ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟାଳୟ, ଅନୁଷ୍ଠାନ, ଶିକ୍ଷାନୁଷ୍ଠାନ ଏବଂ ଘରୋଇ ଅନୁଷ୍ଠାନ ଗୁଡିକରେ ମହା ଆଡମ୍ବରରେ ପାଳିତ ହୋଇଯାଇଛି । ସକାଳେ ବିଦ୍ୟାଳୟ ଓ ମହାବିଦ୍ୟାଳୟର ଛାତ୍ରଛାତ୍ରୀ ମାନେ ଧାଡି ହୋଇ ସ୍ଲୋଗାନ ଦେଇ ରାସ୍ତାରେ ଯାଉଥିବାର ଦେଖିବାକୁ ମିଳିଥିଲା । ଏହିପରିପ୍ରକ୍ଷିରେ ଖଇରା ବ୍ଲକ ପରିସରରେ ଜାତୀୟ ପତାକା 
ଉତ୍ତୋଳନ କରିଥିଲେ ବିଡ଼ିଓ ଉତ୍ତମ କୁମାର ଜେନା । ପରେ ପରେ ଅଧ୍ୟକ୍ଷା ଶ୍ରୀମତୀ ଅଭିଲିପ୍ସା ସାହୁ ୭୭ତମ ସ୍ବାଧୀନତା ଦିବସ ବିଷୟରେ ସଂକ୍ଷିପ୍ତ ବକ୍ତବ୍ୟ ରଖିଥିଲେ । ଏହା ପରେ ବ୍ଲକ ପରିସରରେ ଥିବା ସଭା ଗୃହ ମଧ୍ୟରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ମଞ୍ଚାସୀନ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ ଶିକ୍ଷକ ଭରତ ଚନ୍ଦ୍ର ସାହୁ । ଉକ୍ତ ସଭାରେ ବ୍ଲକ ପ୍ରଶାସନ ତରଫରୁ କେତେଜଣ କଳାକାର ମାନଙ୍କ ନିମନ୍ତେ ମାନପତ୍ରର ବ୍ଯବସ୍ଥା ହୋଇଥିଲା । ସେମାନେ ହେଲେ – ନାରଣ ଦାସ, ବାଦକ, ଭୋଗପୁର, ଭୈରବ ବିନ୍ଧାଣୀ, ଗାୟକ, ହରିପୁର, ଭୋଳାନାଥ ଦାସ, ଗାୟକ, କବର, ରାମଚନ୍ଦ୍ର ବିଶ୍ବାଳ, ଗାୟକ, ଦଇପୁର ଓ ନୃତ୍ୟ ଶିକ୍ଷକ ପ୍ରାଣବନ୍ଧୁ ମହାପାତ୍ର ଗୁଆପାଳ । କଳାକାର ମାନଙ୍କୁ ସମ୍ବର୍ଦ୍ଧିତ କରିବା ପାଇଁ ବିଡ଼ିଓ ଶ୍ରୀ ଜେନା ଅଧ୍ୟକ୍ଷା ଶ୍ରୀମତୀ ସାହୁଙ୍କୁ କହିଥିଲେ । ଶ୍ରୀମତୀ ସାହୁ ମାନପତ୍ର, ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ କଳାକାର ମାନଙ୍କୁ ସମ୍ବର୍ଦ୍ଧିତ କରି ଆନନ୍ଦିତ ହୋଇଥିଲେ । ଉକ୍ତ ସମ୍ବର୍ଦ୍ଧନା ପର୍ବରେ ୪ ନମ୍ବର ଜୋନର ଜିଲ୍ଲାପରିଷଦ ସଦସ୍ୟା ରଶ୍ମିତା ମହାପାତ୍ର ସାମିଲି ହୋଇଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
