ପାପଡାହାଣ୍ଡି 20/08,ମନିସ —- ନବରଙ୍ଗପୁର ଜିଲ୍ଲା ପାପଡାହାଣ୍ଡି ଥାନା ଅନ୍ତର୍ଗତ ମିରୀଗୁଡା ଛକ ନିକଟରୁ ପୋଲିସ ଏକ ବାଇକରେ ଗଞ୍ଜେଇ ଚାଲାଣ ବେଳେ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି | ଜବତ ବାଇକରୁ 11 କେଜି 500 ଗ୍ରାମ ଗଞ୍ଜେଇ ଜବତ ହୋଇଛି | ବିଶେଷ ସୂତ୍ରରୁ ଖବର ପାଇ ପାପଡାହାଣ୍ଡି ଥାନା ଅଧିକାରୀ ଦୀପକ କୁମାର ଜେନାଙ୍କ ନିର୍ଦେଶ ଅନୁଯାୟୀ ସବ ଇନ୍ସପେକ୍ଟର ଶିବଜି ପଣ୍ଡା ଙ୍କ ନେତୃତ୍ୱରେ ମିରୀଗୁଡା ଛକ ନିକଟରେ ଗାଡି ଯାଞ୍ଚ କରୁଥିଲେ | ଏହି ସମୟରେ କୋରାପୁଟ ରୁ ପାପଡାହାଣ୍ଡି ଦେଇ କଳାହାଣ୍ଡି ଅଭିମୁଖେ ଯାଉଥିବା ଏକ ବାଇକ OD 08D 2858 ଅଟକାଇ ପୋଲିସ ସନ୍ଦେହରେ ଯାଞ୍ଚ କରିବାରୁ ଏକ ଜୋରି ବ୍ୟାଗ ରେ ଗଞ୍ଜେଇ ରହିଥିବା ଜଣାପଡିଥିଲା, ପରେ ବାଇକ ଓ ଗଞ୍ଜେଇ ବ୍ୟାଗ ଜବତ କରିବା ସହ ବାଇକ ଚାଳକ କୁ ଗିରଫ କରି ପାପଡାହାଣ୍ଡି ଥାନା କୁ ଆଣି ପଚରାଉଚରା ପରେ ଗଞ୍ଜେଇ ଚାଲାଣକାରି କଳାହାଣ୍ଡି ଜିଲ୍ଲା ଜୁନାଗଡ ଥାନା ନାକଟିଗୁଡା ଗ୍ରାମର ଛବିଳ ନାୟକ ବୋଲି ଜଣାପଡିଛି | ତହସିଲଦାର ଯୋଗେଶ୍ୱର ଭୋଇ ଙ୍କ ଉପସ୍ଥିତି ରେ ଗଞ୍ଜେଇ ଓଜନ କିରାଯିବା ପରେ ଗଞ୍ଜେଇ 11 କିଲୋ 500 ଗ୍ରାମ ବୋଲି ଜଣାପଡିଛି | ଏନେଇ ଥାନା ରେ କେଶ ନ 147/23 ମାମଲା ରୁଜୁ କରାଯାଇପା ଗଞ୍ଜେଇ ଚାଲାଣ କାରି ଛବିଳ କୁ କୋର୍ଟ ଚାଲାଣ କରାଯାଇଛି | ଗଞ୍ଜେଇ ଜବତ ସମୟରେ ଏଏସଆଇ ହରିହର ଭତରା, ଏଏସଆଇ ଶିବ ଚରଣ ରାଉତ, ଚନ୍ଦନ ନାୟକ ପ୍ରମୁଖ ଉପସ୍ଥିତି ଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
