ନବରଙ୍ଗପୁର–(ମସିହା )ନବରଙ୍ଗପୁର ଜିଲ୍ଲା ଝରିଗାଁ ବ୍ଳକ ର ଉପାନ୍ତ ଅଞ୍ଚଳରେ ଥିବା ଅନେକ ଗାଁ କୁ ପକ୍କା ରାସ୍ତା ନିର୍ମାଣ ହୋଇପାରିନାହିଁ l ଏଭଳି କ୍ଷେତ୍ରରେ ଗାଁ ରେ ଆମ୍ବୁଲାନ୍ସ ପହଁଚି ପାରୁନଥିବା ଯୋଗୁଁ ରୋଗୀ ଏବଂ ଗର୍ଭବତୀ ଉଚିତ୍ ସମୟରେ ସ୍ୱାସ୍ଥ୍ୟ କେନ୍ଦ୍ର ରେ ପହଞ୍ଚି ନ ପାରି ବହୁ ଅସୁବିଧାର ସମ୍ମୁଖିନ ହେଉଛନ୍ତି l ରାସ୍ତା ଖରାପ ଯୋଗୁଁ ଆଜି ଜଣେ ଗର୍ଭବତୀ ବାଇକ୍ ଯୋଗେ ଆମ୍ବୁଲାନ୍ସ ପର୍ଯ୍ୟନ୍ତ ଆସିଥିବା ଭଳି ଅଭାବନୀୟ ଘଟଣା ଦେଖିବାକୁ ମିଳିଛି l ଝରିଗାଁ ବ୍ଳକ ସମର ଚଚରା ଗ୍ରାମର ପଡାଗ୍ରାମ ଝୁମୁକୁ ସାହି ରେ l ଗର୍ଭବତୀଙ୍କ ମା ରାଇଲା ସାନ୍ତା କହିବା ଅନୁଯାୟୀ ସମର ଚଚରା ଗ୍ରାମର ରଞ୍ଜିତ ସାନ୍ତାଙ୍କ ପତ୍ନୀ ରମନା ସାନ୍ତା ଙ୍କୁ ଗତ କାଲି ବିଳମ୍ବିତ ରାତ୍ରିରେ ପ୍ରସବ ଜନିତ ଯନ୍ତ୍ରଣା ଆରମ୍ଭ ହୋଇଥିଲା l ପରିବାର ଲୋକେ ଘରେ ପ୍ରସବ କରିବା ପାଇଁ ଚେଷ୍ଟା କରିଥିଲେ, ତେବେ ଘରେ ପ୍ରସବ କରିବା ସମ୍ଭବ ହୋଇ ପାରି ନ ଥିବା ଯୋଗୁଁ ପରିବାର ଲୋକ ଆଜି ସକାଳୁ ୫ ଘଣ୍ଟା ସମୟରେ ସ୍ଥାନୀୟ ଆଶା ଦିଦି ତୁରନ୍ତ ଆମ୍ବୁଲାନ୍ସ କୁ ଖବର ଦେଇଥିଲେ l ଝୁମୁକୁସାହି ଗ୍ରାମର ରାସ୍ତା ଖରାପ ଥିବା ଯୋଗୁଁ ଆମ୍ବୁଲାନ୍ସ ପ୍ରାୟ ଅଧା କିଲୋ ମିଟର ଦୂରରେ ଥିବା ବଡ ସାହି ଗ୍ରାମ ନିକଟରେ ଅଟକି ଯାଇଥିଲା l ବାଧ୍ୟହୋଇ ପରିବାର ଲୋକେ ଏକ ବାଇକ୍ ଯୋଗେ ବଡ ସାହି ପର୍ଯ୍ୟନ୍ତ ଗର୍ଭବତୀ ଙ୍କୁ ଆଣିଥିଲେ l ତେବେ ଆମ୍ବୁଲାନ୍ସ ନିକଟରେ ପହଁଞ୍ଚିବା ପରେ ଆମ୍ବୁଲାନ୍ସ ଉପରେ କହିବା ପାଇଁ ଯାଉଥିବା ବେଳେ ହଠାତ୍ ପ୍ରସବ ହୋଇଯାଇ ଥିଲା l ସ୍ଥାନୀୟ ଆଶା ଦିଦି ଓ ପରିବାରଲୋକ ଙ୍କ ସହାୟତାରେ ଆମ୍ବୁଲାନ୍ସ ଯୋଗେ ପ୍ରସୂତି ଏବଂ ନବ ଜାତ ଶିଶୁ ପୁତ୍ର ଙ୍କୁ ଝରିଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଆଣି ଭର୍ତ୍ତି କରାଯାଇଥିଲା l ବର୍ତ୍ତମାନ ପ୍ରସୂତି ଓ ଶିଶୁ ପୁତ୍ରର ସ୍ଵାସ୍ଥ୍ୟାବସ୍ଥା ଠିକ୍ ଥିବା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ସୂଚନା ମିଳିଛି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
