ନୂଆପଡା ଜିଲ୍ଲା ଖଡିଆଳ ସ୍ଥିତ ବିଶ୍ବକର୍ମା ଟ୍ରଷ୍ଟ ପକ୍ଷରୁ ଜଳ ଦିବସ ପାଳିତ ହୋଇଯାଇଛି । ଟ୍ରଷ୍ଟ ସମ୍ପାଦକ ଶ୍ରୀବସ୍ଚ ବାରିକ ବୈଠକର ଉଦ୍ଦେଶ୍ୟ ଉପରେ ଆଲୋକପାତ କରିଥିବା ବେଲେ ଟ୍ରଷ୍ଟି ସଭାପତି ମେଜର ଡ. ରାମଚନ୍ଦ୍ର ମିଶ୍ର ଯୋଗଦେଇ ଜଳ ର ଉପକାରିତା ଏବଂ ସୃଷ୍ଟିରେ ଜଳ ଏକ ପ୍ରମୁଖ ଉପାଦେୟ ଅଟେ । ତେଣୁ ଏହାର ସୁରକ୍ଷା ଏବଂ ସଂରକ୍ଷଣ କରିବା ପାଇଁ ଆହ୍ୱାନ କରିଛନ୍ତି । ସେହିପରି ଜଳ ର ଅପବ୍ୟବହାର ରୋକିବା ଏବଂ ଭୁତଳ ଜଳ କୁ ଉପରକୁ ଆଣିବା ପାଇଁ ପ୍ରଚୁର ପରିମାଣରେ ବୃକ୍ଷରୋପଣ ଆବଶ୍ୟକ । ଜଳ ଅମଳ ପ୍ରକଳ୍ପ ଦ୍ବାରା ବର୍ଷା ଜଳକୁ ଭୁତଳ କୁ ପଠାଇବା କୁ ଗୁରୁତ୍ବ ଦେଇଥିଲେ । ବୈଠକରେ ଅନ୍ୟ ମାନଙ୍କ ମଧ୍ୟରେ ଦନାର୍ଦ୍ଦନ ପାତ୍ର, ପ୍ରମୋଦ ନାୟକ, ସୁରେନ୍ଦ୍ର ଦଣ୍ଡସେନା, ରାଜୁ ତାଣ୍ଡି, ଆଶୁତୋଷ ଥନାପତି ପ୍ରମୁଖ ଯୋଗଦାନ କରିଥିଲେ । ସେହିପରି ଖଡିଆଳ ସ୍ଥିତ ସୟଂଶାସିତ ମହାବିଦ୍ୟାଳୟ ଠାରେ କଲେଜର ଜାତୀୟ ସମର ଶିକ୍ଷାର୍ଥୀ ବାହିନୀ ପକ୍ଷରୁ ମଙ୍ଗଳ ବାର ବିଶ୍ବ ଜଳ ଦିବସ ପାଳିତ ହୋଇଯାଇଛି । ଏଥିରେ ଏନସିସି ଅଧିକାରୀ ନିବେଦୀତା ଆଚାରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ କଲେଜ ଅଧ୍ୟକ୍ଷ ଗଙ୍ଗାଧର ପାଣିଗ୍ରାହୀ, ଅଧ୍ୟାପକ ଅଶ୍ବିନୀ ପାଢୀ, ପ୍ରଶାନ୍ତ ପଣ୍ଡା ପ୍ରମୁଖ ଯୋଗଦାନ କରି ବିଶ୍ବ ଜଳ ଦିବସ ପାଳନର ଉଦ୍ଦେଶ୍ୟ ଓ ତାତ୍ପର୍ଯ୍ୟ ସମ୍ପର୍କରେ ମତ ରଖିଥିଲେ । ଶେଷରେ ପ୍ରିୟସ୍ମିତା ବଢେଲ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ଏକ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଥିଲା । ଶେଷରେ ଛାତ୍ରଛାତ୍ରୀ ମାନଙ୍କୁ ନେଇ ପ୍ରତିଯୋଗିତା ଅନୁଷ୍ଠିତ ହୋଇଥିଲା ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
