ବିଧାୟକଙ୍କ ଦ୍ବାରା ବିଭିନ୍ନ ଉଦଘାଟନ ଓ ଶିଳାନ୍ୟାସ କାର୍ଯ୍ୟକ୍ରମ
ବାଲେଶ୍ଵର,୧୫/୯/୨୩- ବାଲେଶ୍ଵର ଜିଲ୍ଲା ସିମୁଳିଆ ନିର୍ବାଚନ ମଣ୍ଡଳୀର ଜନପ୍ରିୟ ନେତା, ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବିଧାୟକ ଜ୍ଯୋତିପ୍ରକାଶ ପାଣିଗ୍ରାହୀ ତା ୧୪/୯/୨୩ ରିଖ ଗୁରୁବାର ଦିନ ଖଇରା ବ୍ଲକର ବିଭିନ୍ନ ଅଞ୍ଚଳ ଗସ୍ତ କରିଥିଲେ । 
ଏହି ସମୟରେ ବ୍ଲକର ବିଭିନ୍ନ ଗ୍ରାମରେ ନବନିର୍ମିତ ଅଙ୍ଗନବାଡି କେନ୍ଦ୍ର ଉଦଘାଟନ କରିଥିଲେ । ଏଥିସହିତ ମୁଖ୍ୟମନ୍ତ୍ରୀ ସ୍ବତନ୍ତ୍ର ସହାୟତା ଯୋଜନା ମାଧ୍ୟମରେ ବିଭିନ୍ନ ସ୍ଥାନରେ ଅନୁମୋଦନ ହୋଇଥିବା କୋଠଘର ନିର୍ମାଣ ପ୍ରକଳ୍ପର ଶୁଭ ଶିଳାନ୍ୟାସ କରିଥିଲେ । ପ୍ରତିକୂଳ ପାଗ କାରଣରୁ କେତେକ କାର୍ଯ୍ୟକ୍ରମ ବାତିଲ୍ କରିଥିଲେ ବିଧାୟକ । ପ୍ରଥମେ ରପେୟା ପଞ୍ଚାୟତର ନଛିପୁର ଅଙ୍ଗନବାଡି କେନ୍ଦ୍ର ଉଦଘାଟନ କରିବା ପରେ ବରଦା, ବର୍ତ୍ତନା, ବଡ଼ନୂଆଗାଁ, ରଟିଣା, ଗଡ଼ପୋଖରି, ଅମରିଆ-ଅଗ୍ନିପୁର, ନହଙ୍ଗ, ନୟାଖଣ୍ଡି, ଗଗନଧୁଳି ଓ ଡଗରପଡା ପ୍ରଭୃତି ପଞ୍ଚାୟତରେ 
ନୂତନ ଭାବେ ନିର୍ମିତ ହୋଇଥିବା ଅଙ୍ଗନବାଡି କେନ୍ଦ୍ର ଗୁଡିକର ଶୁଭ ଉଦଘାଟନ କରିବା ସଙ୍ଗେ ସଙ୍ଗେ ଶିଳାନ୍ୟାସ କାର୍ଯ୍ୟକ୍ରମ ମଧ୍ୟ ଜାରି ରଖିଥିଲେ । ଏହି ଅବସରରେ ଶିଶୁ ମାନେ ହେଉଛନ୍ତି ମାଟି ପେଣ୍ଡୁଳା ସଦୃଶ, ତାଙ୍କୁ ଆମେ ଯେମିତି ଗଢିବା ସେମାନେ ସେମିତି ରୂପରେଖ ନେବେ, ଶିଶୁର ଉନ୍ନତି ସମାଜର ବିକାଶ ବୋଲି ବିଧାୟକ ଶ୍ରୀ ପାଣିଗ୍ରାହୀ କହିଥିଲେ । ଏଥିରେ ସ୍ଥାନୀୟ ଅଞ୍ଚଳର ଲୋକ ପ୍ରତିନିଧି ଓ ବିଭିନ୍ନ ସ୍ବୟଂ ସହାୟିକା ଗୋଷ୍ଠୀର କର୍ମକର୍ତ୍ତା ମାନେ ଉପସ୍ଥିତ ଥିଲେ, ଯାହା ଖବର ସଂଗ୍ରହରୁ ଜାଣିବାକୁ ମିଳିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
