କାଉନସିଲର ରେ କଂଗ୍ରେସର ୬, ବିଜେଡ଼ିର ୫ ଓ ବିଜେପିର ୨ ଜଣ ବିଜୟୀ
ଭାଇସ ଚେରମେନ ପାଇଁ ବିଜେପିର ସହଯୋଗ ଲୋଡା
ନୂଆପଡା ଜିଲ୍ଲା ଖଡିଆଳ ଏନଏସି ପୌର ନିର୍ବାଚନର ଅଧ୍ୟକ୍ଷ ପଦ ଓ କାଉନସିଲର ମାନଙ୍କ ଭୋଟ ଗଣତିର ଫଳାଫଳ ଶନିବାର ପ୍ରକାଶିତ ହୋଇଛି । ଖଡିଆଳ ଏନଏସି ଅଧ୍ୟକ୍ଷ ପାଇଁ ୭ ଜଣ ପ୍ରାର୍ଥୀ ପ୍ରତିଦ୍ବନ୍ଦିତା କରୁଥିଲେ । କଂଗ୍ରେସ ରୁ ଉଜ୍ଜଳ ଗୁପ୍ତା ୩୯୦୦ ଖଣ୍ଡ ଭୋଟ ପାଇ ବିଜୟୀ ହୋଇଥିବା ବେଲେ ତାଙ୍କର ନିକଟତମ ପ୍ରତିଦ୍ବନ୍ଦି ଅବସର ପ୍ରାପ୍ତ ଆୟକର କମିଶନ ର ଶ୍ରୀକାନ୍ତ ଚାଟାର୍ଜୀ ୨୦୪୪ ଖଣ୍ଡ ଭୋଟ ପାଇ ଦ୍ଵିତୀୟ ରେ ରହିଥିଲେ । ତୃତୀୟରେ ବିଜେଡି ପ୍ରାର୍ଥୀ ମୁଳଚନ୍ଦ ଅଗ୍ରୱାଲ ୧୮୫୭, ଚତୁର୍ଥରେ ବିଜେପି ୯୬୨, ପଂଚମରେ ସ୍ୱାଧୀନ ପ୍ରାର୍ଥୀ ନିମାଇଁ ଚରଣ ତାଣ୍ଡି ପ୍ରାକ୍ତନ ଖଡିଆଳ ଏନଏସି ଅଧ୍ୟକ୍ଷ ୨୨୨ ଖଣ୍ଡ, ଷଷ୍ଠ ରେ ସିପିଆଇଏମର ସରୋଜିନୀ ପ୍ରଧାନୀ ୩୭ , ସପ୍ତମରେ କିଶୋର ବାଗ ୨୨ ଭୋଟ ପାଇଥିଲେ । ସେହିପରି କାଉନସିଲର ରେ ଖଡିଆଳ ଏନଏସି ଏକ ନମ୍ବର ୱାର୍ଡରୁ ବିଜେଡିର ସୁଶ୍ଚିସ୍ମିତା ମହାରଣା, , ୨ ନମ୍ବର ୱାର୍ଡରୁ କଂଗ୍ରେସର ରେବତୀ ଶବର, ୩ ନମ୍ବର ୱାର୍ଡରୁ କଂଗ୍ରେସର ରଜନୀରାନୀ ପଟ୍ଟନାୟକ, ୪ ନମ୍ବର ୱାର୍ଡରୁ ବିଜେଡ଼ିର କିରଣ ତାଣ୍ଡି, ୫ ନମ୍ବର ୱାର୍ଡରୁ କଂଗ୍ରେସର ସୁନୀଳ ସାହୁ, ୬ ନମ୍ବର ୱାର୍ଡରୁ ବିଜେପିରୁ ଲକ୍ଷ୍ମଣ ଦୁରିଆ, ୭ ନମ୍ବର ୱାର୍ଡରୁ କଂଗ୍ରେସର ସକୁନ୍ତଳା ରାଉତ, ୮ ନମ୍ବର ୱାର୍ଡରୁ ବିଜେଡିର ସୁବୀର ସିଂ ଦେଓ , ୯ ନମ୍ବର ୱାର୍ଡରୁ ବିଜେପିରୁ ବଜ୍ରଙ୍ଗ ଭୋଇ, ୧୦ ନମ୍ବର ୱାର୍ଡରୁ ବିଜେଡିରୁ ଚନ୍ଦନ କୁମାର ସାହୁ, ୧୧ ନମ୍ବର ୱାର୍ଡରୁ କଂଗ୍ରେସର ନରେନ୍ଦ୍ର ଶବର , ୧୨ ନମ୍ବର ୱାର୍ଡରୁ କଂଗ୍ରେସର ବିନତୀ ହଂସ ,୧୩ ନମ୍ବର ୱାର୍ଡରୁ ବିଜେଡିରୁ ଯଶୋଦା ସିନ୍ଦୂର ବିଜୟ ଲାଭ କରିଛନ୍ତି । ସୂଚନା ଥାଉକି ଖଡିଆଳ ଏନଏସି ର ୧୩ ଗୋଟି ୱାର୍ଡରୁ କାଉନସିଲର ରେ କଂଗ୍ରେସ ୬ ଗୋଟି ବିଜେଡି ୫ ଗୋଟି ଓ ବିଜେପି ୨ ଗୋଟି ରେ ବିଜୟ ହାସଲ କରିଛନ୍ତି । ଏବେ ଭାଇସ ଚେରମେନ ପାଇଁ କିଏ ସଂଖ୍ୟା ଗରିଷ୍ଠ ପାଇନଥିବାରୁ ବିଜେପି ର ୨ ଜଣ କାଉନସିଲର ଯେଉଁ ଆଡେ ଢଳିବେ ସିଏ ଭାଇସ ଚେରମନ ଆସନ ଗଠନ କରିବ ବୋଲି ଚର୍ଚ୍ଚା ହେଉଛି ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
