ପ୍ରକାଶ ପାଇଲା ପ୍ରବନ୍ଧ ପ୍ରତିଯୋଗିତା ଫଳାଫଳ, ପ୍ରଥମ ସ୍ଥାନରେ ସ୍ବର୍ଣ୍ଣପ୍ରଭା
ବାଲେଶ୍ଵର,୧୦/୧୦/୨୩- ଗତ ତା ୦୧/୧୦/୨୩ ରିଖରେ ମୋ ଅନୁଷ୍ଠାନ ହ୍ଵାଟ୍ସଆପ୍ ଗୃପରେ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଯାହାର ପ୍ରସଙ୍ଗ ଥିଲା ” ପ୍ରାଥମିକ ସ୍ତରର ଗୁଣାତ୍ମକ ଶିକ୍ଷା ” । ଧୀରେ ଧୀରେ ସାହିତ୍ୟ ସାଧକ ମାନଙ୍କ ନିକଟରୁ ଗଦ୍ୟ ସାହିତ୍ୟ ଦୂରେଇ ଯାଉଥିବାରୁ ସେମାନଙ୍କୁ ଗଦ୍ୟ ସାହିତ୍ୟ ପ୍ରତି ଆକୃଷ୍ଟ କରାଯିବା ନିମନ୍ତେ ଏ ପ୍ରତିଯୋଗିତାର ଉଦ୍ଦେଶ୍ୟ । ଏଥିରେ ରଶ୍ମିରେଖା ସାହୁ, କଳିଙ୍ଗନଗର, ଭୁବନେଶ୍ୱର, ଖୋର୍ଦ୍ଧା, 
ସଂହିତା ଜେନା, ବାସନ୍ଦରା, ଜଗତସିଂହପୁର, ମୀନା କୁମାରୀ ମୁଣ୍ଡ, ଜୟପାଟଣା, କଳାହାଣ୍ଡି, ସ୍ବର୍ଣ୍ଣପ୍ରଭା ମହାପାତ୍ର, ସୁବର୍ଣ୍ଣପୁର ଓ ପ୍ରେମଲତା ଗିରି, କେନ୍ଦ୍ରାପଡା ପ୍ରମୁଖ ଅଂଶ ଗ୍ରହଣ କରିଥିଲେ । ଅବଶ୍ୟ ସମସ୍ତଙ୍କ ଲେଖା ଖୁବ୍ ସୁନ୍ଦର ଥିଲା । ଲେଖା ଗୁଡିକୁ ସମୀକ୍ଷା କରିଥିଲେ କୁମାରୀ ପୂର୍ଣ୍ଣିମା ସିଂ, ଗୀତିକବି, ବାଲେଶ୍ଵର । କୁମାରୀ ସିଂ ଏବେ ପାଠପଢ଼ା ଜାରି ରଖିବା ସହିତ ଜଣେ ସାହିତ୍ୟ ଗବେଷିକା ଅଟନ୍ତି । ସେ ବିଭିନ୍ନ ସାହିତ୍ୟ ଅନୁଷ୍ଠାନରେ ପଦପଦବୀ ମଣ୍ଡନ କରି ସାହିତ୍ୟ ସାଧନାରେ ନିମଗ୍ନ ଅଛନ୍ତି । ତାଙ୍କ ସମୀକ୍ଷାରୁ ସୋନପୁର(ସୁବର୍ଣ୍ଣପୁର) ଜିଲ୍ଲାର ସାହିତ୍ୟ ସାଧିକା ସୂର୍ଣପ୍ରଭା ମହାପାତ୍ର ପ୍ରଥମ ସ୍ଥାନ ଅଧିକାର କରିଛନ୍ତି । ଶ୍ରୀମତୀ ମହାପାତ୍ର ସରକାରୀ ଡାକ୍ତରଖାନାରେ ଚାକିରୀ କରନ୍ତି ହେଲେ ସାହିତ୍ୟ ସାଧନାକୁ ନିଜର ଜୀବନ ମନେକରି ସାହିତ୍ୟର ଉନ୍ନତି ପାଇଁ ଲେଖନୀ ଚାଳନାକୁ ଦେଇ ନାହାନ୍ତି ବିରାମ । ସୁନ୍ଦର ସୁନ୍ଦର କବିତା, ଗଳ୍ପ ଓ ପ୍ରବନ୍ଧ ଇତ୍ୟାଦି ରଚନା କରି ବିଭିନ୍ନ ସାହିତ୍ୟ ଅନୁଷ୍ଠାନର ପ୍ରତିଯୋଗିତା ମୂଳକ କାର୍ଯ୍ୟକ୍ରମରେ ଅଂଶ ଗ୍ରହଣ କରି ସ୍ଥାନ ଅଧିକାର କରି ଆତ୍ମସନ୍ତୋଷ ଲାଭ କରିଛନ୍ତି । 
ଯେଉଁଥିପାଇଁ ବିଭିନ୍ନ ସାହିତ୍ୟ ଅନୁଷ୍ଠାନ ସରାଗରେ ନେଇଛି କୋଳେଇ । ସେହିପରି ସଂହିତା ଜେନା ଦ୍ବିତୀୟ ଓ ରଶ୍ମିରେଖା ସାହୁ ତୃତୀୟ ସ୍ଥାନ ଅଧିକାର କରି ସାହିତ୍ୟ ଭଣ୍ଡାରକୁ ରୁଦ୍ଧିମନ୍ତ କରିଛନ୍ତି। ସମସ୍ତ ପ୍ରତିଯୋଗୀ ମାନଙ୍କୁ ଅନୁଷ୍ଠାନ ତରଫରୁ ଅଭିନନ୍ଦନ ଓ ଶୁଭେଚ୍ଛା ଜଣାଇବା ସଙ୍ଗେ ସଙ୍ଗେ ଗଦ୍ୟ ସାହିତ୍ୟର ଉନ୍ନତି ନିମନ୍ତେ ଲେଖନୀ ଚାଳନା ଜାରି ରଖିବା ପାଇଁ ସମସ୍ତ ସାହିତ୍ୟ ବନ୍ଧୁ ମାନଙ୍କୁ ନିବେଦନ କରିଛନ୍ତି ଅନୁଷ୍ଠାନର ସମ୍ପାଦକ ନରେନ୍ଦ୍ର ପ୍ରସାଦ ବେହେରା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
