ଜମି ପଟ୍ଟାରୁ ଜମି ଗାଏବ, ୪୫ ଡିସିମିଲ ରୁ ହେଇଗଲା ୫,
ଆବେଦନର ଅନେକ ବର୍ଷ ପରେ ମଧ୍ୟ ହୋଇ ପାରୁନାହିଁ ଜମି ଡିମାରକେସନ,
ଜିଲ୍ଲାପାଳ ଠାରୁ ତହସିଲଦାର କେହି ମଧ୍ୟ ଶୁଣୁ ନାହାନ୍ତି ସାଧୁରାମ ମାଝୀଙ୍କ କଥା
ଜୁନାଗଡ଼ : କଳାହାଣ୍ଡି ଜିଲ୍ଲା ଜୁନାଗଡ଼ ତହସିଲ ଅଞ୍ଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏଠି ଜମି ପଟ୍ଟା ରୁ ଜମି ଗାଏବ ହୋଇଯାଇଛି । ଆଗରୁ ଜମିଥିଲା ୪୫ ଡ଼ିସିମିଲ କିନ୍ତୁ ବର୍ତ୍ତମାନ ଅଛି ୫ ଡ଼ିସିମିଲ ଜାଗା ।
ଅନ୍ୟ ପକ୍ଷରେ ଆବେଦନରର ଅନେକ ବର୍ଷ ବିତିଯାଇଥିଲେ ସୁଦ୍ଧା ସେହି ଜମିର ଡିମାରକେସନ ହୋଇପାରୁନାହିଁ । ଜିଲ୍ଲାପାଳଙ୍କ ଠାରୁ ଆରମ୍ଭ କରି ତହସିଲଦାର ମଧ୍ୟ ଜଣାଇଥିଲେ ମଧ୍ୟ ଏନେଇ କୌଣସି ପଦକ୍ଷେପ ନ ନେବା ଘଟଣା ସାଧାରଣରେ ଭୃକୁଞ୍ଚନ ସୃଷ୍ଟି ହୋଇଛି ।
ପ୍ରାପ୍ତ ସୂଚନାରୁ ପ୍ରକାଶ ଯେ, ଅଭିଯୋଗ ଅନୁଯାୟୀ ଜୁନାଗଡ଼ ତହସିଲ ଅଧୀନରେ ଥିବା ଭଇଁରିଗୁଡା ଗ୍ରାମର ସାଧୁରାମ ମାଝୀଙ୍କ ୪୫ ଡ଼ିସିମିଲ ପୈତୃକ ଜାଗା ଥିଲା । ଏହି ଖାତା ନଂ ୪୬୫,ପ୍ଲଟନଂ ୧୧୨୫ରୁ ୪୫ ଡିସିମିଲ ଘରବାରି ଥିବା ଜାଗା ରୁ ବର୍ତ୍ତମାନ ୪୦ ଡିସିମିଲ ଗାଏବ ହୋଇଯାଇଥିବା ଅଭିଯୋଗ ହୋଇଛି । ଅନ୍ୟ ପକ୍ଷରେ ତାଙ୍କ ଚାଷ ଜମିରୁ ପ୍ରାୟ ୮ ଏକର ଜମି ଖାତା ନଂ ୩୮୧, ୩୮,୨୦, ୫୩, ୬୪, ୪୭୨ କୁ ଚାଲି ଯାଇଥିବା ଅଭିଯୋଗ କରିଛନ୍ତି ସାଧୁରାମ ମାଝୀ । ନିଜ ପୈତୃକ ସମ୍ପତ୍ତିକୁ ଫେରି ପାଇବା ପାଇଁ ଅନେକ ଥର ଜିଲ୍ଲାପାଳ ଙ୍କ ଠାରୁ ତହସିଲଦାରଙ୍କୁ ଲିଖିତ ଜଣାଇଥିଲେ ସୁଦ୍ଧା କୌଣସି ସୁଫଳ ମିଳୁନଥିବା ନେଇ ଉଦବେଗ ପ୍ରକାଶ କରିଛନ୍ତି । ତୁରନ୍ତ ଜିଲ୍ଲାପାଳ ଏ ନେଇ ତଦନ୍ତ କରିବାକୁ ସାଧାରଣରେ ଦାବୀ ହୋଇଛି । ଏନେଇ ତହସିଲଦାର ସୁର୍ମୀ ସୋରେନଙ୍କୁ ପଚରିବାରୁ କହିଥିଲେ ଯେ, ମୁଁ ନୂଆ ଆସିଛି, କଣ ହୋଇଛି ଆସନ୍ତା କାଲି ଦେଖିବି ବୋଲି କହିଥିଲେ ।
ସୁନ୍ଦର ମୋହନ ଛତ୍ରିଆ ଙ୍କ ରିପୋର୍ଟ୍
