ଟେମରୀ – ଗୋଲାମୁଣ୍ଡା ବ୍ଲକର ଚିଚିଆ ଗ୍ରାମ ପଂଚାୟତର ସାରସଗୁଡା ଗ୍ରାମର ଝିଅ ଓ ଗ୍ରାମ ବଧୂ ଓ ଭୂଆସୁଣୀ, ମାଆମାନଙ୍କୁ ନେଇ କଳସ ଯାତ୍ରା କରି ପଣ୍ଡକୁଳ ଘାଟ ତେଲ ନଦୀକୂଳରେ ପାଣି ଉଠାଇ ଆଜି ଷୋହଳ ପ୍ରହରୀ ନାମ ଯଜ୍ଞର ଶୁଭାରମ୍ଭ କରାଯାଇଛି l ଏହି ଅଂଚଳରେ କୋଭିଟ କଟକଣା ସରିଲା ପରେ ଭଗବାନଙ୍କ ନାମ ଯଜ୍ଞ ହୋଇ ନ ଥିବାରୁ ଏହି ନାମ ଯଜ୍ଞରେ ଦର୍ଶକଙ୍କ ଭିଡ଼ ଜମିବାରେ ଲାଗୁଛି l ଏଥିରେ ହରେ କୃଷ୍ଣ….. ହରେ ରାମ…. ମହାମନ୍ତ୍ର ଦୂର ଦୁରାନ୍ତ ଗୁରୁ ଓ ସଂକୀର୍ତନ ମଣ୍ଡଳୀଙ୍କ ଦ୍ୱାରା ବିଭିନ୍ନ ସୁର ସଂଗୀତ ମାଧ୍ୟମରେ ଉଚ୍ଚାରଣ କରାଯାଉଛି l ଏଥିରେ କର୍ତ୍ତା ଭାବରେ ସୀମାନନ୍ଦ ଅଗ୍ରିଆ ଓ ତାଙ୍କ ବୃନ୍ଦାବତୀ ଅଗ୍ରିଆ ପୂଜା କାର୍ଯ୍ୟ ସମ୍ପାଦନ କରୁଥୁବାବେଳେ ପୂଜକ ଭାବରେ ପ୍ରମୋଦ ମୁଣ୍ଡ, ରାଜୁ ଠାକୁର,ଗୌରୀ ପଣ୍ଡା, ମୁନ୍ନା ମୁଣ୍ଡ ପୁରୋହିତ କାର୍ଯ୍ୟ କରୁଥିବାବେଳେ ସାରସଗୁଡା ଗ୍ରାମବାସୀ ସହଯୋଗ କରିଛନ୍ତି l ଏହା ଆସନ୍ତା ଏପ୍ରିଲ 05 ତାରିଖରେ ଦଧିହାଣ୍ଡି ଭଗ୍ନ କରି ନାମଯଜ୍ଞ ସମାପନ କରାଯିବ l ଜଗଜ୍ୱିବନ ସା ଙ୍କ ରିପୋର୍ଟ ।
previous post
next post