ଜଣାଣ
ମାନଗୋବିନ୍ଦ ସ୍ବାଇଁ
ଫୁଲ ମୁ ତୋଳୁଛି ଚନ୍ଦନ ଘୋରୁଛି
ଧୂପ ଦୀପ ଦେଇ ପୂଜା
ପ୍ରାର୍ଥନା କରୁଛି ଭଜନ ଜଣାଣ
ପଥ ମୋର କର ତାଜା।
ତୂଳସୀ ଜଳକୁ ତୁଣ୍ଡରେ ପାଇକି
ନିଜକୁ ମୁଁ ଧନ୍ୟହେଲି
ପ୍ରଭୁଙ୍କ ନାମରେ ପଥରେ ଆଗକୁ
ଜପ କରି ମୁ ଚାଲିଲି।
ଚାହିଁ ଦେଲେ ବାନା ମନ ମୋ ପ୍ରଫୁଲ୍ଲ
ହୃଦୟ ହେଲା ପବିତ୍ର
ସର୍ବାଂଗ ଶରୀର ସୁସ୍ଥ ହୁଏ ମୋର
ଯାତ୍ରା ହୁଏ ମୋ ସ୍ବତନ୍ତ୍ର।
ଅବଢ଼ା ପ୍ରସାଦ ଆନନ୍ଦ ବଜାର
ମୋର ଜୀବନ ଆହାର
ଦର୍ଶନ କରିଲେ ଗରୁଡ଼ ସ୍ତମ୍ଭରୁ
ମୁକ୍ତି ପଥ ହବ ସାର।
ତୋ ନାମ ଖାଇଲେ ପାପ ସବୁ ଛାଡେ
ଶାନ୍ତି ଆସେ ମୋ ପରାଣ
ହାତ ଯୋଡ଼ି କରି ଶରଣ ପଶୁଛି
ଘେନ ମୋର ଏ ପ୍ରଣାମ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
