ଶିକ୍ଷକଙ୍କ ବଦଳି ନେଇ ଛାତ୍ରୀ ଛାତ୍ର ଙ୍କ ଆନ୍ଦୋଳନ
ଡାବୁଗାଁ, ୬/୨ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ବୋରିଗାଁ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ରେ ଶିକ୍ଷକଙ୍କ ବଦଳି କୁ ବାତିଲ କରିବା ପାଇଁ ବିଦ୍ୟାଳୟ ର ଛାତ୍ରୀ ଛାତ୍ର ମାନେ ମଙ୍ଗଳବାର ବିଦ୍ୟାଳୟ ଫାଟକ ତାଲା ପକାଇ ଧାରଣା ଦେଇଥିଲେ | ବିଦ୍ୟାଳୟ 
ରେ ୧ମ ଶ୍ରେଣୀରୁ ୮ମ ଶ୍ରେଣୀ ପର୍ଯ୍ୟନ୍ତ ମୋଟ ୪୪୮ ଜଣ ଛାତ୍ରୀ ଛାତ୍ର ପାଠ ପଢୁଛନ୍ତି |ପ୍ରାଥମିକ ବିଭାଗରେ ଶିକ୍ଷାଦାନ ନିମନ୍ତେ ୭ ଜଣ ଶିକ୍ଷକ ନିଯୁକ୍ତି ପାଇଛନ୍ତି | ସେଥି ମଧ୍ୟରୁ ୨ ଜଣ ଶିକ୍ଷକ ରାଇସିଂ ପୂଜାରୀ ଓ ଅନିଲ କୁମାର ଭୂୟାଁ ଙ୍କୁ ସୋମବାର ଚିକିଲି ସରକାରୀ ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟ କୁ ବଦଳି କରାଯାଇଛି | ଚିକିଲି ବିଦ୍ୟାଳୟ ରୁ ବୋରୀଗାଁ ବିଦ୍ୟାଳୟ କୁ ୨ ଜଣ ଶିକ୍ଷକଙ୍କୁ ବଦଳି କରାଯାଇଛି | ଛାତ୍ରୀ ଛାତ୍ର ମାନେ ସେହି ବିଦ୍ୟାଳୟ ର ୨ ଜଣ ଶିକ୍ଷକଙ୍କ ବଦଳି ବାତିଲ କରିବା ପାଇଁ ଦାବିରେ ବିଦ୍ୟାଳୟ ଆଗରେ ଧାରଣା ଦେଇଥିଲେ | ଅପରାହ୍ନ ୪ ଘ ସମୟ ହୋଇଥିଲେ ସୁଦ୍ଧା ଶିକ୍ଷା ବିଭାଗ ର କୌଣସି ଅଧିକାରୀ ବିଦ୍ୟାଳୟ ରେ ପହଞ୍ଚି ନାହାନ୍ତି | ସୂଚନା ଯୋଗ୍ୟ :- ଚିକିଲି ଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଓ ସହକାରୀ ଶିକ୍ଷୟତ୍ରୀ ମାନଙ୍କ ବଦଳି ଏବଂ ମଧ୍ୟାନ୍ନ ଭୋଜନରେ ଅନିୟମିତତା ର ବିରୋଧ କରି ଜାନୁଆରୀ ୨୯ ତାରିଖ ସୋମବାର ଦିନ ଗ୍ରାମବାସୀ ବିଦ୍ୟାଳୟରେ ତାଲା ପକାଇଥିଲେ । ଯାହା ଫଳରେ ଶିକ୍ଷା ବିଭାଗ ଚିକିଲି ବିଦ୍ୟାଳୟରୁ ୨ ଜଣ ଶିକ୍ଷକ ଙ୍କୁ ବୋରିଗାଁ ବିଦ୍ୟାଳୟକୁ ବଦଳି କରି ସେଠାରୁ ୨ ଜଣ ଶିକ୍ଷକ ଙ୍କୁ ଚିକିଲି ବିଦ୍ୟାଳୟରେ ଅବସ୍ଥାପିତ କରିଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
