ତେରେସିଂହା କପ୍ ଫୁଟବଲ୍: ବିନେକେଲା ବିଜୟୀ
କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଗ୍ରାମର ହାଇସ୍କୁଲ ଖେଳ ପଡ଼ିଆରେ ଚାଲିଥିବା ଦୈତାରୀ ମେମୋରିଆଲ୍ ଗେମ୍ସ ଏଣ୍ଡ୍ ସ୍ପୋର୍ଟସ୍ ଏସୋସିଏସନ୍ ଆନୁକୁଲ୍ୟରେ ୨୩ତମ ତେରେସିଂହା କପ୍ ଫୁଟବଲ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହେଉଅଛି l ଆଜିର ମ୍ୟାଚ୍ ବିନେକେଲା (କଳାହାଣ୍ଡି) ବନାମ ଭଦ୍ରା (ବଲାଙ୍ଗୀର) ମଧ୍ୟରେ ଖେଳ ଅନୁଷ୍ଠିତ ହୋଇଥିଲା l ଏହି ସଂଘର୍ଷ ପୂର୍ଣ୍ଣ ମ୍ୟାଚ୍ ରେ କେହି କାହାରିକୁ ଗୋଲ ସ୍କୋର କରିପାରି ନ ଥିବା ବେଳେ ଟାଇବ୍ରେକର ଜରିଆରେ ବିନେକେଲା ଦଳ ବିଜୟୀ ହୋଇଥିଲା l ଏଥିରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଶିକ୍ଷକ ତଥା ପୂର୍ବତନ ଖେଳାଳୀ ମଙ୍ଗଳ ମାଝୀ, ସମ୍ମାନିତ ଅତିଥି ଭାବେ ସଞ୍ଜୟ ନାଏକ, ଶିକ୍ଷକ ଛବିଳ ନାଏକ ଯୋଗ ଦେଇଥିଲେ l ଆୟୋଜକ କମିଟି ର ସଭାପତି କିଶୋର ଚନ୍ଦ୍ର ନାଏକଙ୍କ ନେତୃତ୍ୱରେ ତପନ ମାଝୀ, ବୁଲୁ ରଣା, ସୁରେଶ ଭୋଇ, ଗୌର ଚନ୍ଦ୍ର ନାଏକ, ଅର୍ଜୁନ ବେବର୍ତ୍ତା, ସୁଶାନ୍ତ ରଣା ପ୍ରମୁଖ ସହଯୋଗ କରିଥିଲେ l ମ୍ୟାଚ କୁ ସମ୍ରାଟ ପ୍ରଧାନ ପରିଚାଳନା କରିଥିବା ବେଳେ ସାହିଲ ଗୌଡ ଓ ସୌମ୍ୟରଞ୍ଜନ ମାଝୀ ସହଯୋଗ କରିଥିଲେ l ଶୁକ୍ରବାର ରଜାପଡ଼ା ବନାମ ଲଇତରା ମଧ୍ୟରେ ପ୍ରଥମ ସେମି ଫାଇନାଲ ଖେଳ ଅନୁଷ୍ଠିତ ହେବ ବୋଲି ଆୟୋଜକ କମିଟି ପକ୍ଷରୁ ସୂଚନା ଦିଆଯାଇଛି l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
