ଧର୍ମପରାୟଣ ପ୍ରାକ୍ତନ ପ୍ରଧାନ ଶିକ୍ଷକ ବିରଞ୍ଚିନାରାୟଣ ମହାନ୍ତଙ୍କ ଦେହାନ୍ତ ରେ ରାଇରଙ୍ଗପୁରରେ ଶୋକର ଛାୟା
ମୟୂରଭଞ୍ଜ – ୨୮/୦୨ ( ମସିହା) ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ଅଂଚଳର ସୁନାମଧନ୍ୟ ଧର୍ମପରାୟଣ ଅବସରପ୍ରାପ୍ତ ପ୍ରଧାନ ଶିକ୍ଷକ ବିରଞ୍ଚିନାରାୟଣ ମହାନ୍ତ(୭୨)ଙ୍କ ଦିର୍ଘ ମାସ ଧରି ଶାରିରୀକ ଅସୁସ୍ଥତା ନେଇ ତାଙ୍କ ନିଜ ବାସଭବନ ରାଇରଙ୍ଗପୁର ପୌରାଞ୍ଚଳ ଅନ୍ତର୍ଗତ ପୁରଣାଘାଟୀ ଗ୍ରାମରେ ମଙ୍ଗଳବାର ଦିନ ଦେହାନ୍ତ ହୋଇଯାଇଛି । ତାଙ୍କ ମୃତ୍ୟୁରେ ରାଇରଙ୍ଗପୁର,ଵହଳଦା, ଯଶିପୁର ଅଂଚଳରେ ଶୋକରେ ଛାୟା ଖେଳିଯାଇଛି ।ବହୁ ଜ୍ଞାତି ପରିଜନ,ଶୁଭେଛୁ, ବିଭିନ୍ନ ଅନୁଷ୍ଠାନ ର କର୍ମକର୍ତ୍ତା ପ୍ରମୁଖ ତାଙ୍କ ବାସ ଭଵନରେ ପହଞ୍ଚି ଶେଷ ଦର୍ଶନ ସହ ତାଙ୍କର ଅମର ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିଥିଲେ। ସେହିଭଳି ଓଷ୍ଟା ସଂଘର ଶିକ୍ଷକ ନେତା ସୁବଳ ଦାସ ମହାପାତ୍ର, ଶିକ୍ଷୟତ୍ରୀ ସସ୍ମିତା ମହାପାତ୍ର,ୟୂଟିଆ ସଂଘର ଅଂଜିତା ମହାପାତ୍ର , ଗଣମାଧ୍ୟମ ପ୍ରତିନିଧି ଅକ୍ଷୟ ବିଶ୍ବାଳ,ତୁଷାରକାନ୍ତ ମହାନ୍ତ ପ୍ରମୁଖ ତାଙ୍କ ବାସ ଭବନରେ ପହଞ୍ଚି ପୁଷ୍ପମାଲ୍ୟ ଦେଇ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ତାଙ୍କର ଶେଷ କୃତ୍ୟ ରାଇରଙ୍ଗପୁର ସ୍ଵର୍ଗଦ୍ବାରରେ କରାଯାଇଛି । ତାଙ୍କର ପୁଅ ମୁଖାଗ୍ନି ଦେଇଥିଲେ ।ସେ ରାଇରଙ୍ଗପୁର ଅଂଚଳର ବିରଞ୍ଚି ସାର ଭାବେ ସବୁଠି ପରିଚିତ ଥିଲେ ।ସେ ଜଣେ ଛାତ୍ର ଵତ୍ସଳ ଶିକ୍ଷକ ଥିଲେ । ଯଶିପୁର ହାଇସ୍କୁଲ ରେ ଶିକ୍ଷକତା ପରେ ରାଇରଙ୍ଗପୁର ଉଚ୍ଚ ବାଳକ ବିଦ୍ୟାଳୟରେ ୧୦ ବର୍ଷ ଧରି ଶିକ୍ଷକତା କରିଥିଲେ ।ପରେ ବହଳଦା ହାଇସ୍କୁଲ ରେ ପ୍ରଧାନ ଶିକ୍ଷକ ଦାୟିତ୍ବ ତୁଲାଇ ଅବସର ନେଇଥିଲେ । ବିଭିନ୍ନ ସାମାଜିକ ଓ ଧାର୍ମିକ ଅନୁଷ୍ଠାନ ସହିତ ଜଡ଼ିତ ଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ଵାଳ ଙ୍କ ରିପୋର୍ଟ୍
