ନୂଆପଡ଼ା -: ସଦର ଥାନା ଗୋଡଫୁଲା ପଂଚାୟତ ଜୁନାନୀ ଗାଁରେ ଭାଲୁ ଆକ୍ରମଣରେ ଜଣେ ମହିଳା ଗୁରୁତର ଆହତ ହୋଇଛନ୍ତି । ଆହତ ମହିଳା ହେଲେ ସୂର୍ଯୋମତି ନିଆଲ(୬୦) । ଏବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଆଜି ସକାଳୁ ଜୁନାନୀ ଗାଁର ପଦ୍ମନ ନିଆଲ(୬୫) ଓ ସ୍ତ୍ରୀ ସୂର୍ଯୋମତି ନିଜ ଚାଷ ଜମିକୁ ମହୁଲ ସଂଗ୍ରହ ପାଇଁ ଯାଉଥିଲେ । ସ୍ବାମୀ ପଦ୍ମନ ଆଗରେ ଚାଲୁଥିବା ବେଳେ ସ୍ତ୍ରୀ ସୂର୍ଯୋମତି ପଛରେ ଚାଳୁଥିଲେ । ଏହି ସମୟରେ ଜଙ୍ଗଲରୁ ଦୁଇଟି ଭାଲୁ ଚାଲି ଆସି ସୂର୍ଯୋମତିଙ୍କୁ ପଛ ପଟୁ ଆକ୍ରମଣ କରିଥିଲେ । ସ୍ଵାମୀ ପଦ୍ମନ ଚିତ୍କାର କରିବାରୁ ସ୍ତ୍ରୀ ସୂର୍ଯୋମତିଙ୍କୁ ଛାଡି ଦୁଇଟି ଭାଲୁ ଜଙ୍ଗଲ ଭିତରକୁ ଚାଲି ଯାଇଥିଲା । ଏଥିରେ ସୂର୍ଯୋମତି ଲହୁଲୁହାଣ ହୋଇଥିଲେ । ପରିବାର ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ ଜଂଘର ମାଂସକୁ କାଢି ନେଇଥିବା ବେଳେ ୨୦ରୁ ଅଧିକ ଷ୍ଟିଚ ଲାଗିଥିବା ଜଣା ପଡିଛି ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
