ସୁମନ
ରାଗ (ଚୋଖି )
ଜଗତ ସୁମନ ମୟ
ବନ ଉପବନ ଚୟ
ଜଳେ ସ୍ଥଳେ ଅତିଶୟ
ହରଇ ମନ,
ତରୁଲତା କୁଞ୍ଜବନ
ଫୁଲେ ଭରା ଅନୁକ୍ଷଣ
ହିଲ୍ଲୋଳିତ ତନୁମନ
ଜାଗେ ସ୍ପନ୍ଦନ,
ତରୁଣୀକି ପିଡ଼େ ମଦନ
ଜାଗେ ନବ ଜାଗରଣ
ଉଚ୍ଚାଟ ମନ |1|
ବହଇ ଧୀର ପବନ
ଛୁଇଁ ଛୁଇଁ ଅପଘନ
ବିଲମାଳ ଘନ ଘନ
ଭରା ସୁମନ
ଫୁଲେଫୁଲେ ଅଳିରାସ
ମହକି ଉଠେ ସୁବାସ
କେତେବୃକ୍ଷଫୁଲେ ଶୁଭେ
କୂହୁ କୂଜନ
ପୁଲକିତ ବନ ପ୍ରାଙ୍ଗଣ
ନିତିନିତି ତହିଁ ଫୁଟେ
ଦିବ୍ୟ ସୁମନ |2|
ପୁଲକିତ ଯଉବନ
ଜାଗେନବ ଜାଗରଣ
ପାଗଳ ଯୁବା ରତନ
ବ୍ୟଥିତ ମନ
ଲୋଡ଼ଇ ବାଳା ରମଣ
ଛଳଛଳ ସୁନୟନ
ବସନ୍ତ ପରଶ ଲାଗି
ଛପି ମଦନ
ଭରିଛି ଜଗତ ସୁମନ
ମଦନ ପୀଡ଼ନ ହୁଏ
ହୃଦେ ବର୍ଦ୍ଧନ |3|
ସୁମନ ନିତ୍ୟ ନୂତନ
ରମଣୀୟ ସନାତନ
ତୁମ ହୃଦୟର ଦିବ୍ୟ
ନେତ୍ର ଅଞ୍ଜନ
ପୃଥ୍ୱୀବୀର ଯେତେଧନ
ତୋ’ଠି ନିହିତ ସୁମନ
ତୋ’ଦର୍ଶନେ ମୁଗ୍ଧ ପ୍ରଭୂ
ନନ୍ଦ ନନ୍ଦନ
ମନୋହର ଚାରୁ ସୁମନ
ସୁମନ ପଦାରବିନ୍ଦ
କୋଟି ନମନ |4|
ସୁମନେ ସୁମନ ଶୋଭା
ପଦକଞ୍ଜେ ଦେବ ଉଭା
ଶାଳଗ୍ରାମେ ଦିବ୍ୟ ଶକ୍ତି
ନିତ୍ୟ ପୂଜନ,
ଜଗାଵଗା ସୁଦର୍ଶନ
ବିମୋହିତ ତ୍ରିଭୁବନ
ସୁମନାର୍ପଣ
ସଂସାର ସୁମନ ସୁମନ
ମୋକ୍ଷ ମାର୍ଗ ମିଳେକଲେ
ବିଭୂ ଦର୍ଶନ |5|
********ସମାପ୍ତ *********
ଶ୍ରୀ ବିଦ୍ୟାଧର ମହାନ୍ତ,
ତମ୍ବାହରା
କେନ୍ଦୁଝର
