ଡ଼ଙ୍ଗରିଗୁଡାରେ ବିଜେଡି ର କର୍ମୀ ସମ୍ମିଳନୀ
ଡାବୁଗାଁ, ୨୦/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଡ଼ଙ୍ଗରିଗୁଡା ପଞ୍ଚାୟତର ଡ଼ଙ୍ଗରିଗୁଡା ଗ୍ରାମ ପଡିଆ ଠାରେ ବ୍ଲକ ବିଜେଡି ତରଫରୁ ଏକ କର୍ମୀ ସମ୍ମିଳନୀ ଶନିବାର ଅନୁଷ୍ଠିତ ହୋଇଯାଇଛି | ଏହି ବିଜେଡିର ଡାବୁଗାଁ 
ବିଧାୟକ ପାର୍ଥୀ ମନୋହର ରନ୍ଧାରୀ ଯୋଗ ଦେଇ ଏହି ନିର୍ବାଚନରେ ଭୋଟ ଦେଇ ଜିତାଇବାକୁ ନିବେଦନ କରିଥିଲେ | ଏହାସହ କର୍ମୀ ମାନଙ୍କୁ ପ୍ରତି ଗ୍ରାମରେ ଘର ଘର ବୁଲି ଭୋଟ ମାଗିବାକୁ ପରାମର୍ଶ ଦିଆଯାଇଥିଲା | ଏହାସହ ଡ଼ଙ୍ଗରିଗୁଡା ପଞ୍ଚାୟତ ର ବୋରିପଦର ଗ୍ରାମର ପାଲିତ ସୁନା ଙ୍କ ପରିବାର ସହ ୧୪ ଟି ପରିବାର ବିଭିନ୍ନ ଦଳ ଛାଡି ବିଜେଡି ଦଳରେ ସାମିଲ ହୋଇଥିଲେ | ଉକ୍ତ ସଭାରେ ବ୍ଲକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ର, ବିଧାୟକ ପ୍ରତିନିଧି ଏମ ବୁଲୁ ରାଓ, ରାଜ୍ୟସଭା ସାଂସଦ ଙ୍କ ପ୍ରତିନିଧି ରାମାରାଓ ଚୌଧୁରୀ, ଏମପି ପ୍ରତିନିଧି ଏମ ଆପ୍ପା ରାଓ , ଡାବୁଗାଁ ଜିଲାପରିଷଦ ସଭ୍ୟ ଗୁପ୍ତ ବିଶୋଇ, ବ୍ଲକ ଉପାଧ୍ୟକ୍ଷ ସଦାନନ୍ଦ ନାୟକ, ପୂର୍ବତନ ଜିଲା ପରିଷଦ ସଭ୍ୟ ବିଜୟ କୁମାର ବେହେରା, ଡ଼ଙ୍ଗରିଗୁଡା ସରପଞ୍ଚ ରାମକୁମାର ଗଣ୍ଡ, ସମିତିସଭ୍ୟ ଓ ବହୁ କର୍ମୀ ମାନେ ସାମିଲ ଥିଲେ ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
