ନିର୍ବାଚନ ପରିଚାଳନା ପ୍ରସ୍ତୁତି ବୈଠକ
ଡାବୁଗାଁ, ୨୨/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷଠାରେ ବିଡିଓ ଶରତ ମାଝି ଙ୍କ ଅଧ୍ୟକ୍ଷତାରେ ନିର୍ବାଚନ ପରିଚାଳନା ନିମନ୍ତେ ଏକ ପ୍ରସ୍ତୁତି ବୈଠକ ସୋମବାର ଅନୁଷ୍ଠିତ ହୋଇଯାଇଛି | ଏଥିରେ ବୁଥ ସ୍ତରୀୟ ଅଧିକାରୀ ମାନଙ୍କ ଭୋଟ ପୂର୍ବ ଦିବସ ଓ ଭୋଟ ଦିନ ର କାର୍ଯ୍ୟ, ଦାୟିତ୍ଵ ଓ କର୍ତ୍ତବ୍ୟ, ଏହାସହ ସେକ୍ଟର 
ଅଧିକାରୀ ମାନଙ୍କ କାର୍ଯ୍ୟ, ଦାୟିତ୍ଵ ଓ କର୍ତ୍ତବ୍ୟ ବିଷୟରେ ବୁଝାଇଥିଲେ | ସମସ୍ତ ବୁଥ ସ୍ତରୀୟ ଅଧିକାରୀ ମାନେ ନିଜ ନିଜ ବୁଥ ଅଞ୍ଚଳରେ ସଚେତନତା କାର୍ଯ୍ୟକ୍ରମ କରିବାକୁ ପରାମର୍ଶ ଦିଆଯାଇଥିଲା | ଏହି ବୈଠକରେ ଏବିଡିଓ ପଦ୍ମନାଭ ତ୍ରିପାଠୀ, ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା, ସୁପରଭାଇଜର ଏ.ଡି ପ୍ରସାଦ, ବିକାଶ ରଞ୍ଜନ ନିଶଙ୍କ, କୃଷ୍ଣଚନ୍ଦ୍ର ପଣ୍ଡା, ରତିକାନ୍ତ ନାୟକ, ଧନସିଂ ତନ୍ତୀ, ରାଇସିଂ ପୂଜାରୀ, ୭ ଜଣ ସେକ୍ଟର ଅଧିକାରୀ ଓ ୫୫ ଜଣ ବୁଥ ସ୍ତରୀୟ ଅଧିକାରୀ ମାନେ ଯୋଗ ଦେଇଥିଲେ |
================================.
ଭୋଟ ଦାନ ସଚେତନତା ନେଇ ମୋଟରସାଇକେଲ ଶୋଭାଯାତ୍ରା
ଡାବୁଗାଁ, ୨୨/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦର ମହକୁମା ଠାରେ ବ୍ଲକ ପ୍ରଶାସନ ପକ୍ଷରୁ ଭୋଟ ଦାନ ସଚେତନତା ନେଇ ଏକ ମୋଟରସାଇକେଲ ଶୋଭାଯାତ୍ରା ସୋମବାର ଅନୁଷ୍ଠିତ ହୋଇଯାଇଛି | ଏହି ଶୋଭାଯାତ୍ରା ବ୍ଲକ କାର୍ଯ୍ୟ|ଳୟ ରୁ ବାହାରି ଜୟନ୍ତୀନଗର, ଡ଼ଙ୍ଗରିଗୁଡା, ହାଟପଦା, ଡାବୁଗାଁ, ନୂଆଗୁଡା, ରେଭିନ୍ୟୁନୂଆଗୁଡା ଦେଇ ବ୍ଲକ କାର୍ଯ୍ୟ|ଳୟରେ ପହଞ୍ଚିଥିଲା | ଏଥିରେ ବିଡିଓ ଶରତ ମାଝି, ଏବିଡିଓ ପଦ୍ମନାଭ ତ୍ରିପାଠୀ, ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା, ସୁପରଭାଇଜର, ସେକ୍ଟର ଅଧିକାରୀ, ବୁଥ ସ୍ତରୀୟ ଅଧିକାରୀ ଓ ବ୍ଲକ କର୍ମଚାରୀ ମାନେ ସାମିଲ ଥିଲେ |
================================
ଭୋଟର ସଚେତନତା ରଥ ଉଦଘାଟିତ
ଡାବୁଗାଁ, ୨୨/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ କାର୍ଯ୍ୟ|ଳୟ ପରିସରରେ ଭୋଟର ସଚେତନତା ରଥ ସୋମବାର ଉଦଘାଟିତ ହୋଇଯାଇଛି | ଏହି ସଚେତନତା ରଥ ବ୍ଲକ ର ୧୨ ଟି ପଞ୍ଚାୟତ ର ୫୫ ଟି ବୁଥ ଅଞ୍ଚଳରେ ୨ ଦିନରେ ବୁଲି ସଚେତନ କରିବ | ଏଥିରେ ବିଡିଓ ଶରତ ମାଝି, ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା, ପଞ୍ଚାୟତ ନିର୍ବାହୀ ଅଧିକାରୀ ଏ. ଡି ପ୍ରସାଦ ଓ ପର୍ଶୁରାମ ମାଳୀ, ପେସା ସଂଯୋଜକ ଶୁଭଶ୍ରୀ ମହାଙ୍କୁଡ ଏବଂ ଅନ୍ୟ ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
