ପ୍ରୀତିର ବାସେ ମହକ
କବି ସୌରଭ
ବୈଜୟନ୍ତୀ ମାଳା ମହାପାତ୍ର
ପ୍ରୀତିର ମହକ ମହ ମହ ବାସେ
ରାଇ ସାଥିରେ କହ୍ନେଇ,
ଦୋଳି ଝୁଲୁଛନ୍ତି ଅତି ସରଗରେ
ସରବେ ଛନ୍ତି ଅନେଇ ll
ମଳୟ ସମୀର ଶତ ଶିହରଣ
ଭରୁଛି କାୟ ଅନ୍ତରେ
ନବ କଳେବର ଧରିଛି ଧରଣୀ
ଶୋଭା କେ ବଖାଣି ପାରେ
ସାତ ରଙ୍ଗ ଅବିରରେ ବୋଳା ମନ
ଭରି ଉଠଇ ଚମକ…..ll୧ll
ପୀରତି ରଙ୍ଗରେ ରଙ୍ଗାୟିତ ଧରା
ଫଗୁଣ ଦିଏ ବାରତା
ଅମର ଶାଶ୍ଵତ ପ୍ରେମର ମହିମା
ଫଗୁଣ ଟି ଗାଏ ଗାଥା
ହୋଲି ଖେଳ ଦେଖି ରାଧା କୃଷ୍ଣଙ୍କର
ହୃଦରେ ଭରେ ପୁଲକ….ll ୨ ll
ଫୁଲବାଣୀ, କନ୍ଧମାଳ
