ପରଲୋକରେ କମଳେଶ
ବାଲେଶ୍ଵର,୨୧/୫/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ଖଇରା ପଞ୍ଚାୟତ ପୁରସ୍ତମପୁର ଓରଫ ଖଇରା ଗ୍ରାମର କମଳେଶ ମହାରଥା(ଟୁକୁନା)ଙ୍କ ତା ୨୦/୫/୨୪ ରିଖ ରାତି ପ୍ରାୟ ୧୦.୩୦ ରୁ ୧୧ ଘଟିକା ମଧ୍ୟରେ ମୃତ୍ୟୁ ହୋଇ ଯାଇଛି । ମୃତ୍ୟୁ ବେଳକୁ ତାଙ୍କର ବୟସ ପ୍ରାୟ ୫୨ ବର୍ଷ ହୋଇଥିଲା । ତାଙ୍କ ବାପା ପଦ୍ମଲୋଚନ ମହାରଥା ଜଣେ ଆଦର୍ଶ ଥିଲେ ଏବଂ ତାଙ୍କ ମା ଜଣେ ଆଦର୍ଶ ଗୃହିଣୀ ସାଙ୍ଗକୁ ସରପଞ୍ଚ ଏବଂ ନ୍ଯାୟ ପରାୟଣ ମହିଳା ଥିଲେ । ସଂପୃକ୍ତ ଅଞ୍ଚଳରେ ତାଙ୍କର ମଧ୍ୟ ଖ୍ଯାତି ଥିଲା । ତାଙ୍କ ପୁତ୍ର କମଳେଶ କିଛି ଦିନ ଧରି ଅସୁସ୍ଥ ଥିଲେ, ଚିକିତ୍ସା ପରେ ସୁସ୍ଥ ହୋଇ ଘରକୁ ଫେରିଥିଲେ । ହଠାତ୍ ରୋଗ ଯନ୍ତ୍ରଣା ବଢିବାରୁ ବାଲେଶ୍ଵର ମୁଖ୍ୟ ଡାକ୍ତରଖାନାକୁ ଚିକିତ୍ସା ନିମନ୍ତେ ନେଇଥିଲେ । ସେଠାରେ ସମସ୍ତ ପ୍ରକାର ପରୀକ୍ଷା ନିରୀକ୍ଷା ପରେ କଟକ ବଡ଼ ମେଡିକାଲକୁ ଚିକିତ୍ସା ନିମନ୍ତେ ନେବା ପାଇଁ ଡାକ୍ତର ପରାମର୍ଶ ଦେଇଥିଲେ । ବାଲେଶ୍ଵରରୁ ନିରାଶ ହୋଇ ଘରକୁ ନେଇ ଆସିଥିଲେ । ତା ୨୧/୫/୨୪ ରିଖରେ ଚିକିତ୍ସା ପାଇଁ କଟକ ନେବା ନିମନ୍ତେ ପ୍ରସ୍ତୁତ ହେଉଥିଲେ । କିନ୍ତୁ ହଠାତ୍ ହୃଦଘାତରେ ଗତକାଲି ରାତିରେ କମଳେଶଙ୍କର ମୃତ୍ୟୁ ହୋଇଥିଲା । ତାଙ୍କର ବିଧବା ପତ୍ନୀ ସହିତ ୨ ପୁଅ ଅଛନ୍ତି । ମୃତ୍ୟୁ ଖବର ପାଇ ଅନେକ ଲୋକ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ । ସେ ଜଣେ ସଚ୍ଚୋଟ, ଭଦ୍ର, ନମ୍ର, ମିଷ୍ଟଭାଷୀ, ମେଳାପୀ ଓ ପରୋପକାରୀ ବ୍ଯକ୍ତି ଥିବାରୁ ଅଞ୍ଚଳରେ ଶୋକରଛାୟା ଖେଳିଯାଇଛି । ଯାହା ସ୍ଥାନୀୟ ଅଞ୍ଚଳରୁ ସଂଗୃହୀତ ଖବରରୁ ଏହା ଜଣାପଡିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
