ବିଜେଡି ଅକ୍ତିଆର ରେ ନୂଆପଡ଼ା ର ଦୁଇ ଗୋଟି ବିଧାନସଭା
ନୂଆପଡା,ନିର୍ବାଚନ କୁ ନେଇ ଅନେକ ଅଙ୍କକସା ଚାଲିଥିବା ବେଳେ ସବୁ କଳ୍ପନା ଜଳ୍ପନା ର ଅନ୍ତ ଘଟି ଶେଷରେ ନୂଆପଡ଼ାର ଦୁଇ ଗୋଟି ବିଧାନସଭା ମଣ୍ଡଳୀ କୁ ହାତେଇଛି ବିଜେଡି । ନୂଆପଡ଼ା ବିଧାନସଭା ମଣ୍ଡଳୀ ରୁ ରାଜେନ୍ଦ୍ର ପ୍ରସାଦ ଢୋଲକିଆ ତାଙ୍କ ନିକଟତମ ପ୍ରତିଦ୍ବନ୍ଦୀ ସ୍ବାଧୀନ 
ପ୍ରାର୍ଥୀ ଘାସିରାମ ମାଝୀଙ୍କ ଠାରୁ ୧୦୮୦୬ ଖଣ୍ଡ ଭୋଟ ରେ ବିଜୟୀ ହୋଇ ଚତୁର୍ଥ ଥର ପାଇଁ ବିଧାୟକ ହୋଇଛନ୍ତି । ତାଙ୍କର ବିଜୟ ରେ ରାଜ୍ୟ ସରକାର ଙ୍କ ବିଭିନ୍ନ ଯୋଜନାର ସଫଳ ରୂପାୟନ ର ଫଳ ସାଙ୍ଗକୁ ଦଳୀୟ କର୍ମୀ ଙ୍କ ଅକ୍ଲାନ୍ତ ପରିଶ୍ରମ ଓ ସ୍ଥାନୀୟ ଅଞ୍ଚଳବାସୀ ଙ୍କ ଭଲ ପାଇବା ହିଁ ଏକ ମାତ୍ର ଶ୍ରେୟ ବୋଲି ଶ୍ରୀ ଢୋଲକିଆ କହିଛନ୍ତି । ସେହିଭଳି ଖଡ଼ିଆଳ ନିର୍ବାଚନ ମଣ୍ଡଳୀ ରୁ ଖଡ଼ିଆଳ ର ବିଧାୟକ ଅଧୀରାଜ ମୋହନ ପାଣିଗ୍ରାହୀ ହୋଇ ତାଙ୍କ ନିକଟତମ ପ୍ରତିଦ୍ବନ୍ଦୀ ଭାରତୀୟ ଜନତା ପାର୍ଟି ର ବିଧାୟକ ପ୍ରାର୍ଥୀ ହିତେଶ ବଗର୍ତ୍ତି ଙ୍କୁ ୯୫୯୧ ଖଣ୍ଡ ଭୋଟ ରେ ହରାଇ 
ଦ୍ଵିତୀୟ ଥର ପାଇଁ ଖଡ଼ିଆଲ ନିର୍ବାଚନ ମଣ୍ଡଳୀରେ ବିଧାୟକ ହୋଇଛନ୍ତି । ୨୦୧୯ ରେ ସେ ନିର୍ବାଚିତ ହୋଇ କଂଗ୍ରେସ ରୁ ବିଧାୟକ ହୋଇଥିଲେ l ହେଳେ ଚଳିତ ନିର୍ବାଚନ ରେ ନିର୍ବାଚନର କିଛି ଦିନ ପୂର୍ବ ରୁ ହାତ କୁ ଛାଡି ବିଜେଡି ରେ ଯୋଗଦେଇ ଟିକେଟ ପାଇ ବିଜୟୀ ହୋଇଛନ୍ତି । ଏହି ବିଜୟ ରେ ଦ୍ୱତୀୟ ଥରପାଇଁ ତାଙ୍କୁ ବିଧାୟକ ଭାବେ ବାଛି ଥିବାରୁ ତାଙ୍କ କର୍ମକର୍ତ୍ତା ଙ୍କ ସହ ଖଡ଼ିଆଳ, ସିନାପାଲି ଓ ବୋଡ଼େନ ଅଞ୍ଚଳର ସମସ୍ତ ଜନସାଧାରଣ ଙ୍କୁ କୃତଜ୍ଞତା ସହ ଧନ୍ୟବାଦ ଦେଇଛନ୍ତି । ବିଗତ ଦିନରେ ଦେଶରେ କରୋନା ମହାମାରୀ ପାଇଁ ଦୁଇବର୍ଷ ନିଜ ଅଞ୍ଚଳ ପାଇଁ କିଛି କରିପାରିନଥିଲେ ଓ ଖଡ଼ିଆଲ ଅଞ୍ଚଳ ପାଇଁ ଅନେକ କାମ ବାକି ରହିଅଛି ତାହା ଏହି ପାଞ୍ଚବର୍ଷରେ କାର୍ଯ୍ୟ କରି ଆଗାମୀ ଦିନରେ ଖଡ଼ିଆଳ ର ଅଧୁରା ସ୍ଵପ୍ନ କୁ ପୁରା କରିବା ରେ ଉଦ୍ୟମ କରିବେ ବୋଲି ପ୍ରତିକ୍ରିୟା ଦେଇଛନ୍ତି ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
