ଅବ୍ୟବସ୍ଥା ଘେରରେ ରିଷିଡା ବସ୍ ଷ୍ଟାଣ୍ଡ
କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରିଷିଡା ଠାରେ ଥିବା ବସଷ୍ଟାଣ୍ଡ ଅବ୍ୟବସ୍ଥାରେ ରହିଛି । ବଲାଙ୍ଗିର କଳାହାଣ୍ଡି ତଥା ଭୁବନେଶ୍ୱର ରୁ ଅନେକ ଯାତ୍ରୀବାହୀ ବସ ରିଷିଡା ଦେଇ ଯାତାୟତ କରେ । ଏଠାରେ ଏକାଧିକ ବସ ରାତ୍ରି ଯାପନ ମଧ୍ୟ କରିଥାନ୍ତି । କିନ୍ତୁ ରିଷିଡା ବସଷ୍ଟାଣ୍ଡରେ 
ଅଳିଆ ଆବର୍ଜ୍ଜନା ପୁରି ରହିଛି । ସବୁଠାରୁ ବଡ଼ କଥା ହେଲା ମହିଳା ଯାତ୍ରୀମାନେ ବସରେ ଯାତାୟତ କିମ୍ବା ବସଷ୍ଟାଣ୍ଡରେ ବସ ଅପେକ୍ଷା କରିରହିଥାନ୍ତି । ସେମାନଙ୍କ ପାଇଁ ଶୌଚାଳୟ ଟିଏ ମଧ୍ୟ ନାହିଁ । ଫଳରେ ଅନେକ ଯାତ୍ରୀଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡ଼େ। ରିଷିଡା ଠାରେ ସାପ୍ତାହିକ ଶନିବାର ଗୋଟିଏ ବଡ଼ ବଜାର ବସିଥାଏ । ଏଥିପାଇଁ ଲୋକେ ଶୁକ୍ରବାର ରାତିରେ ଦୁରଦୂରାନ୍ତରୁ ଆସି ଏଠାରେ ରାତ୍ରି ଯାପନ କରିଥାନ୍ତି l ଦୁଃଖର ବିଷୟ ଯେ, ବସଷ୍ଟାଣ୍ଡରେ ଉଜ୍ବଳ ଆଲୋକ ବ୍ୟବସ୍ଥା ନ ଥିବାରୁ ଲୋକେ ହଇରାଣ ହୋଇଥାନ୍ତି । ଏ ସମ୍ବନ୍ଧରେ ପଞ୍ଚାୟତ ତଥା ପ୍ରଶାସନକୁ ଅନେକ ଥର ଦୁଷ୍ଟି ଆକର୍ଷଣ କରିଥିଲେ ମଧ୍ୟ ସମସ୍ୟା ସମାଧାନ ହୋଇପାରିନାହିଁ । ରିଷିଡା ବସଷ୍ଟାଣ୍ଡରେ ଗୋଟିଏ ଶୌଚାଳୟ ନିର୍ମାଣ କରିବା ସହିତ ବସଷ୍ଟାଣ୍ଡ ସଫାସୁତୁରା ରଖିବା ଏବଂ ଉଜ୍ଜ୍ୱଳ ଆଲୋକ ବ୍ୟବସ୍ଥା କରିବା ପାଇଁ ସାଧାରଣରେ ଦାବି ହେଉଛି ।
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
