ଦରଲୀପଡା ପ୍ରାଥମିକ ବିଦ୍ୟାଳୟରେ ଶୋଚନୀୟ ଅବସ୍ଥା
ଗୋଟିଏ କୋଠରୀରେ ରୋଷେଇ, ଓ ପାଠପଢା
ଜୁନାଗଡ଼ ୨୭/୬ ( ମ ନି ସ)କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକ ଅନ୍ତର୍ଗତ ବଣିଜରା ପଞ୍ଚାୟତର ଦରଲିପଡ଼ା ପ୍ରାଥମିକ ବିଦ୍ୟାଳୟ ଏବେ ଶୋଚନୀୟ ଅବସ୍ଥା ରେ ରହିଛି । ଶ୍ରେଣୀ ଗୃହ ଅଭାବ ଥିବାରୁ ଛାତ୍ରଛାତ୍ରୀ ମାନେ ଦୟନୀୟ ଅବସ୍ଥାରେ ପାଠ ପଢୁଛନ୍ତି । ଶିକ୍ଷା ବିଭାଗ ମଧ୍ୟ ସବୁ ଜାଣି ଚୁପ ରହିଛି । ପ୍ରାପ୍ତ ସୂଚନାରୁ ପ୍ରକାଶ ଯେ, ଦରଲିପଡ଼ା ପ୍ରାଥମିକ ବିଦ୍ୟାଳୟରେ ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଥିବା ବେଳେ ୨୬ ଜଣ ଛାତ୍ରଛାତ୍ରୀ ପାଠ ପଢ଼ନ୍ତି । ଏଥିରେ ୨ଜଣ ଶିକ୍ଷକ ନିୟୋଜିତ ହୋଇଛନ୍ତି । ଆଗରୁ ଦୟନୀୟ ଅବସ୍ଥାରେ ରୋଷେଇ ଘର ଥିଲା । ବର୍ତ୍ତମାନ ଝଡ଼ବର୍ଷା ଯୋଗୁଁ ତାହା ଭାଙ୍ଗିଗଲା । ,ଏବେ ଭଙ୍ଗା ଦଦରା ଅବସ୍ଥାରେ ପଡି ରହିଛି । ଯାହା ଫଳରେ ସେଠାରେ ରୋଷେଇ କରିବା ସମ୍ଭବ ନୁହେଁ ।ଏବେ ଗୋଟିଏ କୋଠରି ରେ ମଧ୍ୟାହ୍ନ ଭୋଜନ ରୋଷେଇ ହେଉଥିବା ବେଳେ ଗୋଟିଏ କୋଠରୀରେ ପ୍ରଥମ ରୁ ପଞ୍ଚମ ଶ୍ରେଣୀ ଛାତ୍ରଛାତ୍ରୀଙ୍କୁ ପାଠ ପଢା ଯାଉଛି । ଗୋଟିଏ କୋଠରିରେ ୫ଟି ଶ୍ରେଣୀ ବସୁଥିବା ଯୋଗୁଁ ପାଠ ପଢ଼ାରେ ମଧ୍ୟ ବ୍ୟାଘାତ ସୃଷ୍ଟି ହୋଇଛି । ଅନ୍ୟ ପକ୍ଷରେ ଯେଉଁ ଗୋଟିଏ କୋଠରି ରେ ପାଠ ପଢା ହେଉଛି ସେଥିରେ ପାଣି ମଧ୍ୟ ଝରୁଛି । ଏପଟେ ବର୍ଷା ଋତୁ ଆସି ଯାଇ ଥିବାରୁ ସ୍କୁଲ ଭିତରକୁ ବିଭିନ୍ନ ପ୍ରକାର ବିଷଧର ସାପ ସ୍କୁଲ ଭିତରକୁ ପଶୁ ଥିବା ସ୍କୁଲ କର୍ତ୍ତୃପକ୍ଷ ପ୍ରକାଶ କରିଛନ୍ତି ।କାରଣ ବିଦ୍ୟାଳୟର ଚାରି ପଟେ ବିଭିନ୍ନ ପ୍ରକାର ଅନା ବନା ଓ ଭେଲୁଆ ବଗିଚା ରହିଛି । ପଞ୍ଚାୟତ କତ୍ତୁପକ୍ଷଙ୍କୁ ମରାମତି ପାଇଁ କହିଥିବା ବେଳେ ଚୁପ ରହିବା ନେଇ ସାଧାରଣରେ ଉଦବେଗର ବିଷୟ ହୋଇଛି । ତୁରନ୍ତ ସ୍କୁଲ ଓ ରୋଷେଇ ଗୃହ ନିର୍ମାଣ କରିବାକୁ ଅଭିଭାବକ ମାନେ ଦାବୀ କରିଛନ୍ତି ।
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
