ନାବାଳିକାଙ୍କ ଗର୍ଭପାତ ନେଇ ଥାନାରେ ମାମଲା
ଡାବୁଗାଁ, ୨୧/୭ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଏକ ଗ୍ରାମରେ ନାବାଳିକାଙ୍କ ଗର୍ଭପାତ କରାଯାଇହଟିବା ନେଇ ସବିବାର ରାତ୍ର ୧୧ ଘ. ରେ ଏତଲା ଦିଆଯାଇଛି | ସୂଚନାଯୋଗ୍ୟ:- ନବରଙ୍ଗପୁର ଜିଲା ଡାବୁଗାଁ ଥାନା ଅଞ୍ଚଳର ଜଣେ ୨୩ ବର୍ଷୀୟ ଯୁବକ ଗତ ଫେବୃଆରି ମାସରେ ସେହି ଗ୍ରାମର ୧୭ ବର୍ଷୀୟ ନାବାଳିକା କୁ ଏକୁଟିଆ ପାଇ ନାବାଳିକା ସହ ଜବରଦସ୍ତି ଶାରେରିକ ସମ୍ପର୍କ ରଖିଥିଲା | କିଛି ଦିନ ପରେ ନାବାଳିକା ଟି ଉକ୍ତ ଯୁବକକୁ ଗର୍ଭବତୀ ଥିବା ଜଣାଇଥିଲା | ଯୁବକ ଜଣଙ୍କ ନାବାଳିକାର ପରିସ୍ରା ନେଇ ଟେଷ୍ଟ କରିଥିଲା | ଟେଷ୍ଟ କରିବା ପରେ ନାବାଳିକା ଜଣଙ୍କ ଗର୍ଭବତୀ ଥିବା ଜାଣିପାରି ଗ୍ରାମରୁ କେଉଁ ଆଡେ ଚାଲି ଯାଇଥିଲା | ପରେ ଏହି ବିଷୟରେ ଯୁବକ ର ପରିବାର ଲୋକେ ଜାଣିବା ପରେ ଯୁବକର ମା ଓ ବାପା ନାବାଳିକାକୁ ଗର୍ଭନଷ୍ଟ ପାଇଁ ଔଷଧ ଖାଇବାକୁ ଦେଇଥିଲେ | ଔଷଧ ଖାଇବା ପରେ ନାବାଳିକାର ଗର୍ଭପାତ ହେବାରୁ ନାବାଳିକା ଅସୁସ୍ଥ ହୋଇ ନିଜ ପରିବାର ଲୋକ ଙ୍କୁ ଜଣାଇଥିଲା | ପାରିବ ଲୋକେ ନାବାଳିକାକୁ ୧୬.୭.୨୪ ତାରିଖ ଦିନ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ ନାବାଳିକାର ଅବସ୍ଥା ଗୁରୁତ୍ତର ହେବାରୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା | ବର୍ତ୍ତମାନ ନାବାଳିକା ଜଣଙ୍କ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି | ଏନେଇ ଶନିବାର ରାତିରେ ନାବାଳିକାର ବାପା ଉକ୍ତ ଯୁବକ ଓ ତାର ବାପା, ମା ଙ୍କ ନାମରେ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା କେସ ନଂ ୧୪୨/୨୪ ରେ ଏକ ମାମଲା ରୁଜୁ କରାଯାଇଛି | ସବଇନିସ୍ପେକ୍ଟର ବିଜୁରାମ ବାଗ ଘଟଣାର ତଦନ୍ତ କରୁଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
