ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
ଆଞ୍ଚଳିକ

ଡ଼ମ୍ଫର-ଟ୍ରକ ଧକ୍କା: ୪ ଗୁରୁତର

ଡ଼ମ୍ଫର-ଟ୍ରକ ଧକ୍କା: ୪ ଗୁରୁତର

ବସ୍ତା ,୨୧।୭: ବସ୍ତା ଥାନା ୧୬ ନଂ ଜାତୀୟ ରାଜପଥର ଜୁଣବଳଦା-ଭେଲୋରା ଛକ ମଧ୍ୟବର୍ତ୍ତୀ ତାରିଣୀ ଛକ ନିକଟରେ ରବିବାର ଭୋର ସମୟରେ ଡ଼ମ୍ଫରର ପଛକୁ ଅନ୍ୟ ଏକ ଟ୍ରକ ଧକ୍କା ଦେବାରୁ ଉଭୟ ଗାଡ଼ିର ଚାଳକ ଓ ଖଲାସୀ ଗୁରୁତର ଆହତ ହୋଇଛନ୍ତି। ସୂଚନା ଅନୁସାରେ ଉକ୍ତ ଛକ ନିକଟରେ ପୂର୍ବରୁ ରାସ୍ତା ପାର୍ଶ୍ବରେ ଛିଡ଼ା ହୋଇଥିବା ଡ଼ମ୍ଫର ପଛକୁ ଏକ ଅଣ୍ଡା ବୋଝେଇ ଟ୍ରକ(ଏପି ୩୭ଏଟି ୧୧୧୯) ଭାରସାମ୍ୟ ହରାଇ ଧକ୍କା ଦେଇଥିଲା।ଫଳରେ ଡ଼ମ୍ଫରଟି ରାସ୍ତା ପାର୍ଶ୍ବ ନୟନଯୋଡ଼ିକୁ ଓଲଟି ପଡ଼ିଥିଲା।ଦୁର୍ଘଟଣାରେ ଉଭୟ ଗାଡ଼ିର ଚାଳକ ଓ ଖଲାସୀ ଗୁରୁତର ଆହତ ହୋଇଥିଲେ।ଖବର ପାଇ ଜାତୀୟ ରାଜପଥ ପହରା ପୁଲିସ ଘଟଣା ସ୍ଥଳରେ ପହଞ୍ଚି ଜାତୀୟ ରାଜପଥ ଆମ୍ବୁଲାନ୍ସରେ ସେମାନଙ୍କୁ ବସ୍ତା ହସ୍ପିଟାଲକୁ ପଠାଇଥିଲେ। ଅମର୍ଦ୍ଦାରୋଡ଼ ଫାଣ୍ଡି ଅଧିକାରୀ ସନ୍ଦୀପ କୁଜୁର ପହଞ୍ଚି ଦୁଇଟି ଗାଡ଼ିକୁ ହେପାଜତକୁ ନେଇ ଘଟଣାର ଅଧିକ ତଦନ୍ତ ଜାରି ରଖିଛନ୍ତି।

ଜଗତ କୁମାର ଗିରି ଙ୍କ ରିପୋର୍ଟ୍ 

Related posts

ଡୋକାରିଚଞ୍ଚରା ଠାରେ ଶ୍ରୀରାମ ମହୋତ୍ସବ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ

Sunil Chandra Nayak

ମଡେଲ ଡିଗ୍ରୀ କଲେଜ ରେ ନୂଆ ଓ ର ଉଦଯାପନୀ ଉତ୍ସବ ଅନୁଷ୍ଠିତ

masiha

କନିଷ୍ଠ ବର୍ଗ ବକ୍ତୃତା ପ୍ରତିଯୋଗିତାରେ ସମଗ୍ର ରାଜ୍ୟରେ ପିନୁପ୍ରଭା ଙ୍କ ଦ୍ୱିତୀୟ ସ୍ଥାନ ଅଧିକାର

Sunil Chandra Nayak

Leave a Comment

error: Content is protected !!