ବିଷୁବ ମିଳନ
ମାନଗୋବିନ୍ଦ ସ୍ବାଇଁ
ବିଷୁବ ମିଳନ ପାଞ୍ଜି ପ୍ରଚଳନ
ହିନ୍ଦୁ ନୂତନ ବରଷ
ପାଣାର ସଂକ୍ରାନ୍ତି ଆନନ୍ଦ ଉତ୍ସବ
ସଭିଏଁ ଖୁସିର ହସ।
ଘରେ ଘରେ ପଣା ଠାକୁର ପୂଜନ
ପଣା ହୁଏ ଘରେ ଭୋଗ
ପ୍ରସାଦ ଖାଆନ୍ତି ପରିବାର ବର୍ଗ
ପଣା ପିଇବା ସୁଯୋଗ।
ଏକ ମନ ପ୍ରାଣ ସୁଯୋଗ ଆସଇ
ପରିବାର ଏକଜୁଟ
ଆନନ୍ଦ ମନରେ ପଣା ପିଇଥାନ୍ତି
ହିନ୍ଦୁ ନବ ବର୍ଷେ ଭେଟ।
ଗ୍ରାମ ଦେବୀ ପାଶେ ପଣା ଲାଗି ହୁଏ
ଦୁଃଖ ଭୁଲି ଖାଇ ପଣା
ବରଷ ପ୍ରତୀକ୍ଷା ନବ ବର୍ଷ ପାଇଁ
ଅପେକ୍ଷା ନବ ଠିକଣା।
ଠାକୁର ପାଖରେ ନବ ପାଞ୍ଜି ପଢା
ଆଗାମୀ ବରଷ କଥା
ଶୁଣି ଜନ ଗୁଣି ସଚେତନ ହୁଏ
ସଭ୍ୟତା ଅଛି କି ବ୍ୟଥା।
ସୂର୍ଯ୍ୟ ର ଉତ୍ତାପ ଆସ୍ତେ କମି ଆସେ
ପଣା ଖାଇ ଜନ ଶାନ୍ତି
ତାପ ମାତ୍ରା ଦାଉ ଆଉ ରହେ ନାହିଁ
ସର୍ବେ ମିଳଇ ମୁକତି।
ବିଷୁବ ମିଳନ ଭକ୍ତି ର ସୁଦିନ
ହସଖୁସି ପରିବାର
ଆନନ୍ଦ ଉତ୍ସବ ସଭିଙ୍କ ଭିତରେ
ଖୁସି ଆସଇ ସଂସାର।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
