ମହା ବିଷୁବ ସଂକ୍ରାନ୍ତି
ଆଜି ଅଟେ ମହା ବିଷୁବ ସଂକ୍ରାନ୍ତି
ଓଡ଼ିଆ ମାନଙ୍କ ପର୍ବ
ଗାଁ ଠୁ ସହର ଉତ୍ସବ ମୁଖର
ହିନ୍ଦୁମାନଙ୍କର ଗର୍ବ ।
ପଣା ସଂକ୍ରାନ୍ତି ନାମରେ ପ୍ରସିଦ୍ଧ
ହନୁମାନ ଜୟନ୍ତୀ ଆଜି
ଶ୍ରୀମନ୍ଦିରେ ନୂଆ ପାଞ୍ଜି ଗଣା ହୁଏ
ହିନ୍ଦୁ ନବ ବରଷକୁ ସାଜି ।
ଗ୍ରୀଷ୍ମର ପ୍ରଚଣ୍ଡ ରୌଦ୍ର ତାପରେ
ଜୀବ ଜଗତ ଡହଳ ବିକଳ
ଚାରିଆଡେ ଜଳଛତ୍ର ଖୋଲାଯାଏ
ଦାନ ଧର୍ମ କାର୍ଯ୍ୟ ରେ ସକଳ ।
ଧର୍ମ ପୁଣ୍ୟ କାର୍ଯ୍ୟ କରିଥାନ୍ତି ସର୍ବୈ
ଏହି ମହାନ ମେରୁ ପର୍ବେ
ଦେବାଦେବୀ ପୀଠେ ପଣା ଦିଆଯାଏ
ଭୁଲି ଯାଇ ସ୍ଵାର୍ଥ ଗର୍ବେ ।
ଭାଇଚାରାର ଅଟେ ଏହି ପର୍ବ
ଆମ ଓଡ଼ିଆ ଜାତି ମହାନ
ସଂସ୍କୃତି ଆମର ଅତି ପୁରାତନ
ଉନ୍ନତି ପଥରେ ଆହ୍ୱାନ ।
ଶ୍ରୀନିବାସ ପଣ୍ଡା
ଗଞ୍ଜାମ ।
