ଅଗଷ୍ଟ ୧୬ ରୁ ଜିଲ୍ଲାବ୍ୟାପୀ ଡିଜିଟାଲ ଫସଲ ସର୍ବେକ୍ଷଣ
ରାୟଗଡା :- ଚଳିତ ବର୍ଷ ଖରିଫ ୨୦୨୪ ରେ ରାୟଗଡ଼ା ଜିଲ୍ଲା ର ୧୮୨ ପଞ୍ଚାୟତ ରେ ଡିଜିଟାଲ ଫସଲ ସର୍ବେକ୍ଷଣ ହେବ । ଏଥିରେ ୫୯୭୨୫୮ ପ୍ଲଟ ଅନ୍ତର୍ଭୁକ୍ତ ହୋଇଛି । ଜିଲ୍ଲା ର ୩ କୃଷି ଜିଲ୍ଲା ଅଧୀନ ୧୧ ବ୍ଲକର ଡିଜିଟାଲ ଫସଲ ସର୍ବେକ୍ଷଣ କାର୍ଯକ୍ରମ ସମ୍ପାଦନ ପାଇଁ ନିଯୁକ୍ତ ସମସ୍ତ ବ୍ଲକ ମାଷ୍ଟର ଟ୍ରେନର ମାନଙ୍କୁ ତାଲିମ ପ୍ରଦାନ କାର୍ଯକ୍ରମ ଜିଲ୍ଲାପାଳ ଙ୍କ ସଭାପତିତ୍ବ ରେ ତା ୦୭/୦୮/୨୫ ରିଖ କରାଯାଇଛି । ଜିଲ୍ଲା ସ୍ତରୀୟ ତାଲିମ ମୁଖ୍ୟ ଜିଲ୍ଲା କୃଷି ଅଧିକାରୀ ଶ୍ରୀ ସୁମନସିଂ ପଟ୍ଟନାୟକ ଙ୍କ ତତ୍ତ୍ଵାବଧାନରେ କରାଯାଇଥିଲା । ଏଥିରେ ରାୟଗଡ଼ା ର ସମସ୍ତ ଗୋଷ୍ଠୀ ଉନ୍ନୟନ ଅଧିକାରୀ, ତହସିଲଦାର ଏବଂ ବ୍ଲକ ମାଷ୍ଟର ଟ୍ରେନର ମାନେ ଉପସ୍ଥିତ ଥିଲେ ।ଯୋଜନା ଅଧିକାରୀ ଶ୍ରୀସୁଜିତ୍ କୁମାର ପାଢ଼ୀ ଯୋଜନା ର ସମ୍ୟକ୍ ଧାରଣ ଦେଇଥିଲେ । କାର୍ଯ୍ୟକ୍ରମ ରେ ଜିଲ୍ଲା ସ୍ତରୀୟ ମାଷ୍ଟର ଟ୍ରେନର ଶ୍ରୀମତୀ ମଧୁସ୍ମିତା ବେହେରା (ଡେପୁଟି କଲେକ୍ଟର ) ଓ ଶ୍ରୀ ଗୁପ୍ତ ପ୍ରସାଦ ପଣ୍ଡା (ସହକାରୀ କୃଷି ଅଧିକାରୀ , କୋଲନରା ) ଡିଜିଟାଲ ଫସଲ ସର୍ବେକ୍ଷଣ ଉପରେ ବର୍ଣ୍ଣନା କରିଥିଲେ। ବ୍ଲକ୍ ସ୍ତରୀୟ ଅଧିକାରୀ ମାନେ ଏଥିରେ ସୁପର୍ଭାଇସିଂ ଅଧିକାରୀ ରୂପେ ନିଯୁକ୍ତ ହେବେ । ଅତିରିକ୍ତ ତହସିଲଦାର, ସହକାରୀ କୃଷି ଅଧିକାରୀ ଏବଂ ଅନ୍ୟାନ୍ୟ କୃଷିଭିତ୍ତିକ ସଂସ୍ଥା ର ଅଧିକାରୀ ମାନେ ବ୍ଲକ୍ ମାଷ୍ଟର ଟ୍ରେନର ରୂପେ ନିଯୁକ୍ତ ହେବେ । ରେଭେନ୍ୟୁ ଇନ୍ସପେକ୍ଟର, ଅତିରିକ୍ତ ରେବେନ୍ୟୁ ଇନ୍ସପେକ୍ଟର , କୃଷି ଅଧିଦର୍ଷକ, ଗ୍ରାମ ସେବକ ପ୍ରମୁଖ ସୁପର୍ଭାଇସର୍ ରୂପେ ନିଯୁକ୍ତ ହେବେ । ସର୍ବେକ୍ଷଣକାରି ରୂପେ କୃଷକ ସାଥୀ, କୃଷି ମିତ୍ର, ପ୍ରଣୀମିତ୍ର ତଥା ଗ୍ରାମ ଯୁବକ ମାନେ ରହିବେ ।ଏତତ୍ସହିତ ସମସ୍ତ ବ୍ଲକ୍ ରେ ମଧ୍ୟ ସର୍ଭେଖ୍ୟାନକରି ଙ୍କୁ ତାଲିମ ପ୍ରଦାନ କରାଗଲାଣି। ଜିଲ୍ଲାପାଳ ଶ୍ରୀମତୀ ପାରୁଲ୍ ପଟୱରି ତା ୧୩/୦୮/୨୪ ରିଖ ଏକ ସମୀକ୍ଷା ବୈଠକ ରେ ଯୋଜନା ର ପ୍ରଗତି ର ସମୀକ୍ଷା କରିବା ସହ ଅତିରିକ୍ତ ସର୍ଭେଖ୍ୟାନକରୀ ଙ୍କ ଚିହ୍ନଟ ସହ ଜନ ପ୍ରତିନିଧି ଙ୍କ ସହାୟତା ନେବାପାଇଁ ସୁପାରିଶ କରିଥିଲେ । ଅଗଷ୍ଟ ୧୬ ରୁ ସେପ୍ଟେମ୍ବର ୧୫ ତାରିଖ ଭିତରେ ଏହି କାର୍ଯ୍ୟ ସାରିବାକୁ ସରକାରୀ ନିର୍ଦ୍ଦେଶ ରହିଛି ବୋଲି ମୁଖ୍ୟ ଜିଲ୍ଲା କୃଷି ଅଧିକାରୀ ଜଣାଇଲେ ଏବଂ ରାଜସ୍ବ ବିଭାଗ ର ସାହାଯ୍ୟ ଆଶା କରିବା ସହ ସମସ୍ତ ଜନ ପ୍ରତିନିଧି ମାନଙ୍କୁ ସର୍ବେକ୍ଷଣ କାମ ରେ ସହଯୋଗ କରିବା ପାଇଁ ଆହ୍ବାନ ଦେଇଛନ୍ତି ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
