ବଲେରୋ ଓ ଟ୍ରକ ଧକ୍କାରେ ଡ୍ରାଇଭର ମୃତ,୪ ଗୁରୁତର।
କ୍ଷତିପୂରଣ ଦାବୀରେ ପରିବାର ଲୋକଙ୍କ ଜାତୀୟ ରାଜପଥ ୨୬କୁ ଅବରୋଧ
ଜୁନାଗଡ,୨୩/୦୮( ମନୀସ )ଆଜି ସକାଳ ୬ ଟା ସମୟରେ ଥୁଆମୂଳ ରାମପୁର ଥାନା ଅନ୍ତର୍ଗତ ମହୁଲପାଟଣା ଗ୍ରାମରୁ ରୋଗୀଙ୍କୁ ନେଇ ଏକ ବଳେରୋରେ ଭବାନୀପାଟଣା ଡାକ୍ତରଖାନାକୁ ଯାଉଥିଲା । ଜୁନାଗଡ଼ ଥାନା ଅନ୍ତର୍ଗତ ମଥୁରା ନିକଟରେଏକ ଟ୍ରକ ସହ ବାଲେରୋ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ ବିରିକୋଟ ଗ୍ରାମର ଡ୍ରାଇଭର ଦିଲ୍ଲୀପ ନାଏକଙ୍କ ମୃତ୍ୟୁ ହୋଇଥିଲା । ବଳେରୋ ଗାଡି ରେ ବସିଥିବା ଅନ୍ୟ ୪ ଜଣ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି ।ଏ ସଂକ୍ରାନ୍ତରେ ଜୁନାଗଡ଼ ଥାନାରେ ଏକ ମାମଲା ରୁଜୁ ହୋଇଥିବା ଜଣାଯାଇଛି। ଅନ୍ୟ ପକ୍ଷରେ କ୍ଷତିପୂରଣ ଦାବିରେ ପରିବାର ଲୋକଙ୍କ ଦୁର୍ଘଟଣା ସ୍ଥଳରେ ଜାତୀୟ ରାଜପଥ ୨୬କୁ ଅବରୋଧ କରିଥିଲେ lଫଳରେ ଜାତୀୟ ରାଜପଥ ର ଉଭୟ ପାର୍ଶ୍ୱରେ ଶତାଧିକ ଯାନବାହନ ଅଟକି ରହିଥିଲା। ଘଟଣାସ୍ଥଳରେ ଜୁନାଗଡ ଥାନା ଅଧିକାରୀ ଉଲ୍ଲାସ ରାଉତ ଓ ଜୁନାଗଡ ଅତିରିକ୍ତ ତହସିଲଦାର ପହଂଚି ୫୦ ହଜାରଟଙ୍କା କ୍ଷତି ପୂରଣ ଦେବା ପ୍ରତିଶୃତି ପରେ ସନ୍ଧ୍ୟା ରେ ରାସ୍ତା ରୋକ୍ ହଟିଥିଲା ଓ ସାଧାରଣ ଚଳପ୍ରଚଳ ସ୍ୱାଭାବିକ ହୋଇଥିଲାl
ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
