ବେଙ୍ଗାଳୁରୁରେ ଓଡ଼ିଆ ଯୁବକଙ୍କ ସନ୍ଦେହଜନକ ମୃତ୍ୟୁ
ଖଇରା,୨୮/୮/୨୪ – ବାଲେଶ୍ଵର ଜିଲ୍ଲା ଖଇରା ବ୍ଲକ ସିମୁଳିଆ ଥାନ ଅଧିନ ଜଳଙ୍ଗ ଗଣ୍ଡିବେଡ ଗ୍ରାମର ଅମୂଲ୍ୟ ଦାସ (୨୮) ଙ୍କ ବେଙ୍ଗାଳୁରୁରେ ସନ୍ଦେହଜନକ ମୃତ୍ୟୁ ଘଟିଛି । ଆରଟି ବିଲ ଥାନା ଅଧୀନରେ ବେବି ଗାରମେଣ୍ଟ ନାମକ କପଡା କମ୍ପାନୀରେ କାମ କରୁଥିବା ଅମୂଲ୍ୟ ସୋମବାର ସନ୍ଧ୍ୟାରେ କମ୍ପାନୀରୁ ବସା ଘରକୁ ଫେରି ରାତିରେ ଖାଇପିଇ ଶୋଇଥିଲେ । ସକାଳେ ତାଙ୍କ କ୍ଷତବିକ୍ଷତ ଶରୀର ଶୋଇବା ଅବସ୍ଥାରେ ଘରୁ ମିଳିଥିଲା । ଖବରପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ସେ ଜଣେ ଭୂମିହୀନ ଗରିବ ପରିବାରର ହୋଇଥିବାରୁ ଦାଦନ ଖଟିବାକୁ ବାହାର ରାଜ୍ୟକୁ ଯାଇଥିଲେ । ଆର୍ଥିକ ସଚଳ ନଥିବାରୁ ମୃତ୍ୟୁ ଦେହ ବ୍ୟବଚ୍ଛେଦ ପରେ ବିଜୟଓଡାରେ ରହୁଥିବା ଭଉଣୀ ଭିଣୋଇ ସେଠାରେ ପହଞ୍ଚି ଶବ ସତ୍କାର କରିଥିଲେ । ତାଙ୍କୁ ହତ୍ୟା କରାଯାଇଥିବା ସନ୍ଦେହ କରି ହତ୍ୟାକାରୀକୁ ଖୋଜି ବାହାର କରିବା ନିମନ୍ତେ ମାଆ ଅନିତା ଦାସ ମାଣିତ୍ର ଗ୍ରାମ ପଞ୍ଚାୟତର ପୂର୍ବତନ ସମିତି ସଭ୍ୟ ପ୍ରଫୁଲ୍ଲ କୁମାର ଦାସ ଏବଂ ମୁଖ୍ୟମନ୍ତ୍ରୀ ମୋହନ ସରକାରଙ୍କ ନିକଟରେ ଦାବି କରିଛନ୍ତି । ସେପଟେ ନିହାତି ଗରିବ ପରିବାର ହୋଇଥିବାରୁ ଶୁଦ୍ଧିକ୍ରିୟା ପାଇଁ ପରିବାର ତରଫରୁ ଆର୍ଥିକ ସହାୟତା ଯୋଗାଇ ଦେବାକୁ ଦାବି ହୋଇଛି । ଵିଧବା ପତ୍ନୀ ସମେତ ୧ ବର୍ଷର ଗୋଟିଏ ପୁଅ ଓ ବିଧବା ମାଆ ବୁଢ଼ୀ ଘରେ ଅଛନ୍ତି । ଶବ ବ୍ଯବଚ୍ଛେଦ ରିପୋର୍ଟ ଆସିଲେ ପ୍ରକୃତ ତଥ୍ୟ ଜଣାପଡିବ ବୋଲି ସେଠାକାର ପୋଲିସ କହିଛି ।।
ବାଲେଶ୍ଵର ଖଇରାରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
